Վերաքննիչ Ատեանը Կը Մերժէ Վերատեսութեան Ենթարկել Կոէնի Դէմ Վճիռը

0000TORANIAN

ԱՐԱ ԹՈՐԱՆԵԱՆ ԵՒ ՍԱՄ ԹԻԼՊԵԱՆ ԵՐԿՐՈՐԴ ԱՆԳԱՄՆ ԸԼԼԱԼՈՎ ԴԱՏԸ ՇԱՀԵՑԱՆ

 

0000TORANIANՓԱՐԻԶ, «Նոր Յառաջ».- Փարիզի Վերաքննիչ ատեանը 28 Մարտին արձակեց «Արմենիուզ» առցանց թերթի տնօրէն Արա Թորանեանի եւ Հայ Դատի գործիչ Սամ Թիլպեանի դէմ Մաքսիմ Կոէնի բացած դատին վճիռին վերաքննութեան արդիւնքը:

Թորանեան «թրքական ֆաշականութեան ծառայող իսկական վարձկան» որակած էր Կոէնը՝ դատապարտելով անոր ժխտողական կեցուածքները եւ զայն բաղդատելով Հրեաներու Հոլոքոսթի ծանօթ ժխտող, տխրահռչակ Ռոպէր Ֆորիսոնի հետ: Թորանեանի այս խօսքերը երկրորդած էր Սամ Թիլպեան, «Արմենիուզ»ի «Մեկնաբանութիւններ» բաժնով: Կոէն, անուանարկութեան պատճառաբանութեամբ՝ անոնց դէմ բացած դատը կորսնցուցած ըլլալով Նոյեմբեր 2017ին, դիմած էր Վերաքննիչ ատեան: Հետեւաբար, այս մէկը անոր երկրորդ պարտութիւնն է: Թէեւ ենթակային համար բացասական այս երկու վճիռները բաւական համոզիչ չեն թուիր ըլլալ, ան այժմ որոշած է դիմել Բեկանիչ ատեան՝ «իր պատիւը մաքրելու համար»:

Թրքական իշխանութիւններուն շատ մօտիկ, կոչումով «պատմաբան, հետազօտող» մըն է Կոէն, որ կ՛ապրի Անգարա: Ան կ՛աշխատի հաշուոյն թրքական AVIM խորհրդածութիւններու հարթակի (think-tank) մը, զոր հիմնած է Թուրքիոյ հին դեսպան մը եւ որուն գլխաւոր առաքելութիւնն է հերքել Հայոց Ցեղասպանութիւնը:

Ֆրանսական արդարադատութեան այս զոյգ վճիռները ցոյց կու տան, որ Ֆրանսայի մէջ ի չգոյութեան Հայոց Ցեղասպանութեան ժխտումը պատժելի դարձնող օրէնքի մը՝ (2012ին Սահմանադրական խորհուրդը վիժեցուց այդ օրէնքի ծրագիրը) գէթ կարելի՛ է դատապարտել ժխտողականութիւնը եւ ժխտողները ու մատնացոյց ընել զանոնք։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top