Հայոց Ցեղասպանութեան 104րդ Տարելիցի Ոգեկոչման Միացեալ Ձեռնարկներ

0404UAC

ՀԱՂՈՐԴԱԳՐՈՒԹԻՒՆ ԹԻՒ 3

 

0404UAC

Հայոց Ցեղասպանութեան ոգեկոչման Լոս Անճելըսի Միացեալ մարմինին կազմակերպած Ցեղասպանութեան 104րդ տարելիցի ոգեկոչման հաւաքը ծաղկեպսակներու զետեղումով պիտի սկսի Չորեքշաբթի, 24 Ապրիլ 2019ին, առաւօտեան ժամը 9ին, Մոնթէպելլոյի Հայոց Ցեղասպանութեան յուշարձանին դիմաց: Իսկ ժամը 10ին, կրօնական արարողութեամբ պիտի նշուի սրբադասուած նահատակներու յիշատակը:

Ուրբաթ, 26 Ապրիլ 2019ին, երեկոյեան ժամը 7:30ին, Կլենտէյլի Հայ կաթողիկէ Սուրբ Գրիգոր Լուսաւորիչ եկեղեցւոյ «Գույումճեան» սրահին մէջ տեղի պիտի ունենայ կլոր սեղան-ասուլիս մը «Պահանջատիրութիւն, հատուցում եւ արդարութիւն» խորագիրով:

Կլոր սեղան-ասուլիսին իրենց մասնակցութիւնը պիտի բերեն Ռումանիոյ խորհրդարանի հայազգի անդամ Վարուժան Ոսկանեան, Շիքակոյէն միջազգային հարցերու իրաւաբան Գառնիկ Քերքոնեան եւ Հարաւային Քալիֆորնիոյ համալսարանի (USC) դասախօս Ֆրենք Ծերունեան:

Առ այդ, կոչ կ՛ուղղենք մեր համայնքին՝ համախմբուելու ու քաջալերելու զոյգ միջոցառումները, յարգելու համար յիշատակը սրբադասուած նահատակներուն՝ հատուցման եւ արդարութեան պահանջատիրութեամբ:

ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ

ԼՈՍ ԱՆՃԵԼԸՍԻ ՄԻԱՑԵԱԼ ՄԱՐՄԻՆ

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top