Սու-30 Կործանիչներու Համար Վճարուած Է Նաեւ Կանխիկ. Ձեռքբերման Հնարք Կայ, Փակագիծերը Պէտք Չէ Շատ Բանալ. Արծրուն Յովհաննիսեան

0404ardzroun

0404ardzroun

ԵՐԵՒԱՆ.- Չենք ըսած, որ Սու-30 մարտական ինքնաթիռները ամբողջութեամբ ձեռք բերած ենք վարկային միջոցներով, բայց չեմ կրնար ըսել, որ Ռուսիայէն գնած չորս Սու-30-ներէն քանի հատը գնուած են կանխիկ, «Թերթ»ի հետ զրոյցի մը ընթացքին ըսաւ պաշտպանութեան նախարարի մամլոյ բանբեր Արծրուն Յովհաննիսեան՝ անդրադառնալով «Ժամանակ» թերթի հրապարակումին, թէ Սու-30 մարտական օդանաւերէն երկուքին համար վճարուած է կանխիկ, եւ այդ միջոցները գոյացած են սակաւապետներու պաշտպանութեան նախարարութեան կատարած կամաւոր պարտադիր վճարումներէն:

Արծրուն Յովհաննիսեան նշեց, որ ընդհանուր ծրագիրի ծիրին մէջ կործանիչներու համար կանխիկ գումար ալ վճարուած է:

«Վճարել է ՀՀն: ՊՆն ծրագիր է ներկայացնում, բանակցւում է, հիմնաւորւում է, գումարը յատկացնում է Ֆինանսների նախարարութիւնը», նշեց ան:

Պատասխանելով հարցումին՝ թէ արդեօք այդ միջոցները գոյացած են սակաւապետներու վճարումներէ՞ն, Արծրուն Յովհաննիսեան ըսաւ, որ կապ չունի, թէ ուրկէ գոյացած են, անոնք կը համարուին Հայաստանի միջոցներ:

Արծրուն Յովհաննիսեան նշեց, որ ստացման նախագիծ կայ եւ փակագիծերը պէտք չէ շատ բանալ. կան դասակարգուած տեղեկութիւններ:

Յիշեցնենք, որ 30 Յունուարին յայտարարուեցաւ Ռուսիայէն Սու-30 ՍՄներ գնելու Հայաստանի պայմանագիրը: Ռուսական «Կոմերսանտ» թերթը յաջորդ օրը յայտնած էր, որ ըստ իրենց ունեցած տեղեկութիւններուն, գործարքին արժէքը 100 միլիոն տոլար է, որով գնուած է չորս ինքնաթիռ:

Ըստ ռուսական աղբիւրին՝ կը սպասուի, որ անոնք մատակարարուին 2020ին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top