Անգարա Քննադատեց Իմամօղլուի «Աճապարանք»ը

ՊՈԼԻՍ, «Մարմարա».- Թուրքիոյ տեղական ընտրութեանց արդիւնքը տակաւին բոլորովին յստակացած չէ, որովհետեւ իշխող կուսակցութիւնը հարցականի տակ առած է երկրին ամէնէն կարեւոր երկու քաղաքներուն՝ Անգարայի եւ Պոլսոյ քաղաքապետական ընտրութեանց արդիւնքները՝ պահանջելով, որ կարգ մը շրջաններու մէջ քուէները դարձեալ համրուին։

Սակայն կասկած չկայ, որ Պոլսոյ մէջ Հանրապետական ժողովրդային կուսակցութեան թեկնածու Էքրեմ Իմամօղլու յաղթանակած է եւ դարձած քաղաքապետ։ Ան 2 Ապրիլին քաղաքապետի հանգամանքով ուզեց այցելել Աթաթիւրքի յուշադամբանը ու ծաղկեպսակ զետեղել հոն, սակայն իշխանութիւնները պատասխանեցին, որ անոր քաղաքապետի տիտղոսը տակաւին պաշտօնական չէ։ Իմամօղլու այս անգամ յայտնեց, թէ պիտի այցելէ իբրեւ կուսակցութեան ներկայացուցիչ խմբակի անդամ եւ առաջարկը ընդունուեցաւ։

Իմամօղլու այցելեց յուշադամբան եւ ստորագրեց յուշատոմարին մէջ, գործածելով քաղաքապետի տիտղոսը։

Պաշտպանութեան նախարարութիւնը յատուկ հաղորդագրութեամբ մը քննադատեց Իմամօղլուի այս «աճապարանք»ը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top