Թուրքիա Կը Քննադատէ Ընտրութեանց Մասին Ամերիկեան Արձագանգը

0404Palladino

 

0404Palladino

 

 

ԵՐԵՒԱՆ, «Էրմենիհապեր».- Միացեալ Նահանգներու արտաքին գործոց նախարարութիւնը 31 Մարտին, Թուրքիոյ մէջ տեղի ունեցած տեղական ինքնակառավարման մարմիններու ընտրութիւններուն վերաբերեալ կատարեց յայտարարութիւն մը, խիստ դժգոհութիւն յառաջացնելով Թուրքիոյ իշխող շրջանակներուն մէջ:

Ինչպէս յատնի է, իշխող Արդարութիւն եւ բարգաւաճում կուսակցութիւնը այդ ընտրութիւններուն ընթացքին կրցաւ քուէներուն մեծամասնութիւնը ապահովել, սակայն մայրաքաղաքին եւ Պոլսոյ ու այլ մեծ քաղաքներու մէջ պարտութիւն կրեց ընդդիմադիր քեմալական՝ Հանրապետական ժողովրդային կուսակցութեան թեկնածուներուն դէմ, իսկ այժմ կը փորձէ հարցականի տակ առնել ընդդիմութեասն ապահոված յաղթանակները։

Միացեալ Նահանգներու արտաքին գործոց նախարարութան խօսնակ Ռապըրթ Փալատինօ ընտրութիւններուն վերաբերեալ ըսաւ հետեւեալը. «Ազատ եւ արդար ընտրութիւնները ժողովրդավարութեան կարեւոր բաղադրիչն են, ինչպէս նաեւ անոնց օրինական արդիւնքները ընդունիլը: Թուրքիայէն այս է, որ կ՛ակնկալենք»:

Ամերիկացի բանբերին յայտարարութիւնը դատապարտեց Թուրքիոյ արտաքին գործոց նախարարութան խօսնակ Համի Աքսոյ՝ ըելով. «Ոչ մէկ երկիր իրաւասու է միջամտելու այլ երկրի մը մէջ տեղի ունեցած ընտրութիւններուն: Հակաժողովրդավարական մօտեցումները եւ սովորոյթները ոչ մէկ կերպով կրնան շուքի տակ դնել Թուրքիոյ ժողովրդավարութեան հասունութիւնը…»։

0404aksoy

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top