Սփիւռքահայ Խումբ Մը Գործարարներ Կը Հանդիպին Վարչապետ Փաշինեանի Հետ

Asbarez_Gendale_Special_cover__295_out

 

Asbarez_Gendale_Special_cover__295_out

ԵՐԵՒԱՆ.- Հայաստանի վարչապետ Նիկոլ Փաշինեան, Երեքշաբթի, 2 Ապրիլին ընդունեց Հայաստանի Գործատուներու հանրապետական միութեան նախագահ Գագիկ Մակարեանի գլխաւորած սփիւռքահայ ներդրողներու խումբը, որուն մէջ էր Լոս Անճելըսէն բարերար եւ գործարար Հէրի Նաճարեան:

Ըստ Հայաստանի վարչապետի աշխատակազմի տեղեկատուութեան եւ հասարակայնութեան հետ կապերու վարչութեան փոխանցած տեղեկութիւններուն՝ Նիկոլ Փաշինեան կարեւոր համարեց ներդրողներու հետ հանդիպումները եւ գործարար միջավայրի բարելաւման, զանազան ներդրումային ծրագիրներու շուրջ քննարկումները: Վարչապետը նշեց, որ անոնք լաւ հնարաւորութիւն կու տան կառավարութեան անդամներուն լսելու գործարարներու բարձրացուցած հարցերը եւ առաջարկները:

Գագիկ Մակարեան տեղեկացուց, որ ոգեւորուած է Հայաստանի մէջ տեղի ունեցող իրադարձութիւններով՝ արտերկրէն կը պատրաստուին շուտով Հայաստան ժամանել ներդրողներու նոր խումբեր, որոնք շահագրգռուած են գործարար միջավայրի բարելաւման պայմաններով՝ մեր երկրին մէջ տարբեր ոլորտներու մէջ ներդրումային ծրագիրներու իրականացումով: Ըստ անոր՝ Հայաստանի դիրքերը ներդրողներու համար հետզհետէ կ՛ամրապնդուին եւ անիկա լաւ կարելիութիւն է նոր ներդրումներ ներգրաւելու:

Այնուհետեւ, ներդրողները վարչապետին ներկայացուցին ուժանիւթի, շինարարութեան եւ նորագոյն արհեստագիտութիւններու ոլորտներուն մէջ նախատեսուող ներդրումային ծրագիրները, որոնց շուրջ տեղի ունեցաւ շահագրգիռ քննարկում:

Նիկոլ Փաշինեան նշեց, որ Հայաստանի կառավարութիւնը կ՛ողջունէ գործարարներու նախաձեռնութիւնները եւ պատրաստ է իր մեքենակառոյցներու ճամբով օժանդակելու ներդրումային ծրագիրներու կեանքի կոչման: Վարչապետը նաեւ առաջարկեց մասնաւորապէս ուժանիւթի ոլորտին մէջ ծանօթանալու կառավարութեան ներկայացուցած ներդրումային փաթեթներուն եւ կարելիութեան պարագային մասնակցելու անոնց մրցոյթներուն:

Ներդրողները նշեցին, որ կ՛ողջունեն Փաշինեանի գլխաւորած կառավարութեան քաղաքականութիւնը եւ գործարար միջավայրի բարելաւման ուղղութեամբ իրականացող քայլերը ու յայտնեցին, թէ համոզուած են, որ իրենք պիտի նպաստեն ոչ միայն արտասահմանցի ներդրողներու ներգրաւման, այլ նաեւ հայրենիքի մէջ սփիւռքահայ գործարարներու ներուժի համախմբման:

Նշենք, որ այս հանդիպման մասնակցող Հէրի Նաճարեան «Ասպարէզ» օրաթերթի մշտական նեցուկ կանգնող բարերար է, որ տարուէ տարի կը բարձրացնէ թերթին կատարած իր նուիրատուութեանց գումարները:

10966_b

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Վռամ said:

    «Վարչապետը նշեց, որ անոնք (այսինքն՝ զանազան ներդրումային ծրագիրներու շուրջ քննարկումները) լաւ հնարաւորութիւն կու տան կառավարութեան անդամներուն լսելու գործարարներու բարձրացուցած հարցերը եւ առաջարկները»:

    Ա՛յ քեզ բա՜ն,- զարմացած պիտի ըսէր իմ դրացի Պօղոսը: Իսկապէս դժուար է հաւատալ որ գործարարներու ներդրումները խնդրելու համար գիշեր-ցերեկ երկրէ երկիր շրջագայող վարչապետ մը գնահատէ այդ քննարկումները որպէս առիթ՝ իր կառավարութեան անդամներուն լսելու կարողութիւնը զարգացնելու…:

    Պարո՛ն վարչապետ, աշխարհասփիւռ գործարարներու ներդրումին հացիեւջուրի նման պէտք ունեցող երկրին ներկայի իշխանութեան անդամները իրե՛նք պէտք է ծրագիրներ մշակեն եւ առաջարկներ ներկայացնեն այդ մարդոց, եւ ոչ թէ՝ լսողի աթոռներուն բազմած՝ բան սորվին:

*

Top