Արա Նաճարեան 4րդ Անգամն Ըլլալով Ընտրուեցաւ Կլենտէյլի Քաղաքապետ

0404najarian

0404najarian

ԿԼԵՆՏԷՅԼ.- Երեքշաբթի, 2 Ապրիլի երեկոյեան, Կլենտէյլի քաղաքապետական խորհուրդը  Կլենտէյլի քաղաքապետ ընտրեց խորհուրդի անդամներէն Արա Նաճարեանը, որ 4րդ անգամն ըլլալով պիտի ստանձնէ այս պաշտօնը: Նաճարեան պիտի փոխարինէ Զարեհ Սինանեանը:

Արա Նաճարեան առաջին անգամ Կլենտէյլի քաղաքապետի պաշտօնը ստանձնած էր Ապրիլ 2005ին: Ան նաեւ եղած է քաղաքին Բնակարանային հարցերու վարչութեան եւ Զարգացման հարցերու բաժանմունքի ատենապետը։

«Իրապէս երախտապարտ եմ, որ առիթը ունիմ ստանձնելու քաղաքապետի պաշտօնը: Սերտօրէն պիտի համագործակցիմ քաղաքապետական խորհուրդի պաշտօնակիցներուս հետ, որպէսզի կարենանք Կլենտէյլը պահել իւրայատուկ վայր մը», յայտարարեց Նաճարեան:

Արա Նաճարեան Լոս Անճելըս գաւառի Փոխադրական հարցերու վարչութեան («Մեթրօ») անդամ է եւ անցեալին եղած է անոր ատենապետը, ինչպէս նաեւ Հարաւային Քալիֆորնիոյ շրջանային երկաթուղային վարչութեան («Մեթրոլինք») փոխատենապետը։ Ան Սան Ֆերնանտօ հովիտի քաղաքապետութեանց խորհուրդի անդամ է եւ եղած է անոր ատենապետը, իսկ 2003-2005 եղած է Կլենտէյլի Համայնքային համալսարանի հոգաբարձութեան անդամ։

Նաճարեան իր իրաւաբանութեան վկայականը ստացած է Հարաւային Քալիֆորնիոյ համալսարանէն, իսկ տնտեսագիտութեան մարզին մէջ վկայուած է «Օքսիտենթըլ» համալսարանէն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top