Տիգրանակերտի Մէջ Քրտամէտ Կուսակցութեան Ընտրական Յաղթանակը Ետ Կը Խլուի

0416Dokranagerd

0416Dokranagerd

ԵՐԵՒԱՆ, «Էրմենիհապեր».- Թուրքիոյ բարձրագոյն ընտրական յանձնաժողովին որոշումով, Տիգրանակերտի Պաղլար շրջանին մէջ համայնքապետի լիազօրութիւնը տեղական ինքնակառավարման ընտրութիւններուն ընթացքին շահած քրտամէտ Ժողովուրդներու ժողովրդավարութիւն կուսակցութեան թեկնածուին փոխարէն յանձնուեցաւ իշխող կուսակցութեան թեկնածուին:

Արդարեւ, շրջանին մէջ երկրորդ ամենաբարձր քուէն ստացած եւ իշխող Արդարութիւն եւ բարգաւաճում կուսակցութեան թեկնածու Հիւսէյն Պէյօղլուն է, որ համայնքապետի լիազօրութիւնը ստացաւ նահանգային ընտրական յանձանժողովէն, որ ընդունած էր Պէյօղլուի այն բողոքը, որ քրտամէտ կուսակցութեան թեկնածու Զէյաթ Ճէյլան չէր կրնար լիազօրութիւն ստանալ, «որովհետեւ խախտած է օրինակարգը»:

Քրտամէտ կուսակցութիւնը ապօրինի համարեց բարձրագոյն ընտրական յանձնաժողովին որոշումը, բողոք ներկայացնելով անոր դէմ:

Նշենք, որ Ճէյլան համայնքապետի ընտրութիւններուն ընթացքին ստացած էր քուէներուն մօտաւորապէս 70 տոկոսը:

Ըստ Ժողովուրդներու ժողովրդավարական կուսակցութեան տուեալներուն՝ ցարդ յաղթանակ արձանագրած թեկնածուներէն 8ը չեն ստացած իրենց լիազօրութիւնները։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top