60 Հսկայ Ընկերութիւններ Դաշնակցային Տուրք Չեն Վճարած

ՈՒԱՇԻՆԿԹԸՆ, «Էյ.Փի.», «Սի.Էն.Էն.».- Միացեալ Նահանգներու նախագահ Տանըլտ Թրամփի յառաջ մղած 2017ի տուրքերու «բարեփոխումներ»ուն իբրեւ հետեւանք, հանրապետականներու ի նպաստ քուէարկող նահանգները աւելի նուազ տուրքեր սկսած են վճարելու դաշնակցային կառավարութեան։

Նաեւ, Տուրքերու եւ տնտեսական քաղաքականութեան հիմնարկին կատարած ուսումնասիրութեան համաձայն՝ ի յայտ եկած է, թէ ոչ միայն «Ամազոն» ընկերութիւնը, այլ նաեւ 59 այլ հսկայ ընկերւթիւններ, ներառեալ՝ «Շեւրոն», «Տելթա Էրլայնզ», «Նեթֆլիքս» եւ «Ճենըրըլ Մոթորզ», 2018ին դաշնակցային տուրք չեն վճարած, իսկ ուրիշեր նոյնիսկ նպաստներ ստացած են կառավարութենէն։

Ըստ հիմնարկին՝ նշեալ 60 ընկերութիւնները պէտք է 16.4 միլիառ տոլարի դաշնակցային տուրք վճարէին, սակայն օրէնքները շահագործելով եւ ծախսեր ու վնասներ հնարելով՝ 4.3 միլիառ տոլար ստացած են կառավարութենէն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top