Ցեղասպանութեան Նուիրուած Միջազգային Գիտաժողով Քալիֆորնիոյ Համալսարանի Պըրքլիի Մասնաճիւղին Մէջ

0000ucb ASP-2018

0000ucb ASP-2018

ՊԸՐՔԼԻ.- Քալիֆորնիոյ համալսարանի Պըրքլիի մասնաճիւղին մէջ գործող Հայագիտական ծրագիրին նախաձեռնութեամբ, Շաբաթ, 20 Ապրիլին միջազգային գիտաժողով մը տեղի պիտի ունենայ համալսարանին «Տուինել» շէնքին մէջ, առաւօտեան ժամը 9։45էն մինչեւ երեկոյեան ժամը 6։30:  Մուտքը ազատ է։

Երեք նիստերէ բաղկացած եւ «Հայոց Ցեղասպանութեան պատճառներուն, զարգացման եւ ազդեցութեան քննարկում» ընդհանուր խորագիրով գիտաժողովին մասնակցողները պիտի ներկայացուին Հայագիտականի վարիչ դոկտ. Ստեփան Աստուրեանի կողմէ։

Ա. նիստի համակարգողն է՝ դոկտ. Քրիսթին Ֆիլիուն, իսկ ուսումնասիրութիւններ պիտի ներկայացնեն դոկտ. Ռանըլտ Գրիգոր Սիւնի («Հարիւրամեակէն ի վեր»), դոկտ. Ռէյմընտ Գէորգեան («Կազմակերպուած տեղահանութիւն եւ բնաջնջում») եւ դոկտ. Մեմհետ Փոլաթել («Համիտեան ջարդերուն հետեւանքերը»)։

Բ. նիստին, դոկտ. Մարկրիթ Լավինիա Էնտըրսըն պիտի ներկայացնէ իր եւ երեք այլ պատմաբաններու կողմէ խմբագրուած՝ «Օսմանցիներու Վերջը» հատորը, որմէ ետք ուսումնասիրութիւններ պիտի ներկայացնեն դոկտ. Թաներ Աքչամ («Հայոց Ցեղասպանութեան դիմելու վճռական որոշում տրուա՞ծ էր») եւ դոկտ. Հանս Լուքաս Քայզըր («Ցեղասպանութիւնը մոռացութեան մատնելու աֆիոնը»)։

Գ. նիստը պիտի համակարգէ դոկտ. Ստեփան Աստուրեան, իսկ ուսումնասիրութիւններ պիտի ներկայացնեն դոկտ. Էթիէն Քոփօ («Ցեղասպանութենէն ետք Թուրքիա դատապարտուա՞ծ է ազգայնականութեան») եւ Համիտ Պօզարսլան («Երիտթուրքերու եւ Էրտողանի գաղափարաբանութեանց նմանութիւնները»)։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top