Քանի Մը Տողով

– Մարդկային իրաւունքներու եւրոպական դատարանը դարձեալ Թուրքիան դատապարտեց, այս անգամ 8 տարեկան երեխայ մը ձերբակալելու եւ մէկ օր բանտարկուած պահելու թրքական ոստիկանութեան քայլին համար։ Թուրքիա պէտք է 7800 եուրօ վնասուց հատուցում տայ դատը բացած երեխային մօր եւ երեխային։

– Ճափոնական «Հոնտա» ընկերութիւնը որոշած է 2021ին դադրեցնել Թուրքիոյ մէջ իր արտադրական գործունէութիւնը։ Որոշումը հետեւանք է ընկերութեան որդեգրած նոր ռազմավարութեան, ըստ որուն, այսուհետեւ աւելի մեծ ուշադրութիւն պիտի կեդրոնացնէ ելեկտրական շարժակներով ինքնաշարժներու արտադրութեան վրայ։ «Հոնտա»ն Թուրքիոյ մէջ կ՛արտադրէ «Սիվիք» ինքնաշարժներ եւ ընկերութեան գործաւորներուն թիւը մօտաւորապէս 1100 է։

– Գիտնականներ կը յայտնեն, որ Միացեալ Նահանգներու տարածքին տարեկան առնուազն 100 միլիոն թռչուններ կը սատկին շէնքերու, յատկապէս ապակեպատ երկնաքերներու զարնուելու հետեւանքով, կը հաղորդէ «Կարտիըն» թերթը։ Թռչուններու համար ամենավտանգաւոր քաղաքը Շիքակօն է, ուրկէ ամէն աշնան ու գարնան կ՛անցնին առնուազն 250 տեսակի առաւել քան 5 միլիոն թռչուններ։ Այլ վտանգաւոր քաղաքներու շարքին են՝ Մենհեթըն, Հիւսթըն, Տալաս, Լոս Անճելըս, Սէյնթ Լուիս եւ Աթլանթա։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top