Պոլսոյ Քաղաքապետական Ընտրութեան Տագնապը Լուծուեցա՞ւ

0419imamoglu

0419imamogluՊՈԼԻՍ, «Մարմարա».- Պոլսոյ քաղաքապետութեան գծով ստեղծուած տագնապը, որ 31 Մարտին տեղի ունեցած տեղական ինքնակառավարման մարմիններու ընտրութիւններէն ի վեր կը շարունակուէր, ըստ երեւոյթին 17 Ապրիլին լուծուեցաւ, երբ գլխաւոր ընդդիմադիր՝ Հանրապետական ժողովրդային կուսակցութեան թեկնածուն՝ Էքրեմ Իմամօղլու, որ քաղաքապետ ընտրուած էր, վերջապէս ստացաւ իր լիազօրութիւնները եւ պաշտօնապէս նստաւ քաղաքապետի աթոռին։

Այս կերպով, իշխող Արդարութիւն եւ բարգաւաճում կուսակցութիւնը 25 տարիներու ընթացքին առաջին անգամն ըլլալով կորսնցուցած պիտի ըլլայ Պոլսոյ քաղաքապետի ընտրութիւն մը, եթէ անշուշտ ընտրութեան արդիւնքին դէմ կուսակցութեան ներկայացուցած բողոքը մերժուի երկրին բարձրագոյն ընտրական մարմինին կողմէ։

Իմամօղլու հազարաւորներու խուռներամ բազմութեամբ դիմաւորուեցաւ, երբ պաշտօնը ստանձնելու համար կ՛երթար քաղաքապետարան, խոստանալով հանդիսանալ քաղաքի 16 միլիոն բնակիչներուն քաղաքապետը, առանց կուսակցական կամ ցեղային խտրականութիւն դնելու։ Ան բարձրաղաղակ ըսաւ. «Ես կ՛ողջունեմ այս քաղաքի քրիստոնեաները, հայերը, յոյները, եւ բոլոր բնակիչները»։ Իմամօղլու, երբ քաղաքապետէն պաշտօնը ու քաղաքապետութեան կնիքը կը ստանար, շնորհակալութիւն յայտնեց, բոլոր անոնց, որոնք ծառայած են Պոլսոյ։

Իշխող կուսակցութեան թեկնածու եւ նախկին վարչապետ Պինալի Եըլտըրըմ նոյն օրը կարճ յայտարարութիւն մը կատարեց՝ ըսելով, որ ընտրական գործընթացը աւարտեցաւ ու հիմա կը մաղթէ, որ Իմամօղլուի ընտրութիւնը բարեբեր ըլլայ բոլորին։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top