ՀՅԴ Երիտասարդականի Մասնակցութիւնը Ընկերվարական Երիտասարդների Միջազգային Միութեան Համաժողովին

0420arfyouth1

0420arfyouth1

2019թ. Ապրիլի 13-15ը Թբիլիսիում տեղի ունեցաւ Ընկերվարական երիտասարդների միջազգային միութեան (International union of socialist youth, IUSY) սեւծովեան տարածաշրջանի երկրների համագործակցութեան ժողովը: Ժողովը կրում էր. «Արժանապատիւ աշխատանք երիտասարդների համար» խորագիրը:

Ժողովին մասնակցում էին շուրջ 20 երիտասարդներ թուով 7 երկրներից՝ Հայաստան, Վրաստան, Մոլդովա, Բելառուս, Ուկրաինա, Ադրբեջան, Բուլղարիա: ՀՅԴ Երիտասարդականը ներկայացնում էին ՀՅԴ Հայաստանի Երիտասարդական Միութեան անդամներ Քրիստինէ Վարդանեանը եւ Արշակ Մեսրոպեանը:

Ժողովում մասնակիցները զեկուցեցին իրենց երկրների եւ կազմակերպութիւնների երիտասարդութեան գործունէութեան դաշտի ապահովման ուղղութեամբ տարուող աշխատանքների մասին:

0420arfyouth

Ժողովը ընդգծեց երիտասարդների դերը կազմակերպութեան անդամ երկրներում աղքատութեան վերացման, գործազրկութեան դէմ պայքարի եւ արժանապատիւ աշխատանքի իրաւունքի ապահովման գործում:

ԸԵՄՄ սեւծովեան տարածաշրջանի ժողովի աւարտին ընդունուեց յայտարարութիւն, որում, ի թիւս այլ հարցերի, ժողովի մասնակիցներն իրենց աջակցութիւնն ու զօրակցութիւնը յայտնեցին ՀՅԴ Երիտասարդականին՝ Հայաստանում սոցիալական արդարութիւն հաստատելու գործում:

Ընկերվարական երիտասարդների միջազգային միութիւնը Ընկերվար-Միջազգայնականի ուղեկից երիտասարդական կազմակերպութիւնն է, որին անդամակցում են աւելի քան 143 կազմակերպութիւններ՝ աշխարհի շուրջ 100 երկրներից: ՀՅԴ Երիտասարդականը ԸԵՄՄի լիիրաւ անդամ է:

 

ՀՅԴ ԲԻՒՐՈՅԻ

ԵՐԻՏԱՍԱՐԴԱԿԱՆ

ԳՐԱՍԵՆԵԱԿ

Երեւան

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top