Դաշնակցական Երիտասարդութեան Յանձնառութիւնները  

ARF logo  color

 

0710arflogo

Աւարտեցաւ ՀՅԴ Երիտասարդական միութիւններու համաեւրոպական խորհրդաժողովը: Կը ներկայացնենք ՀՅԴ Բիւրոյի Երիտասարդական գրասենեակէն ստացած հաղորդագրութիւնը ամբողջութաեմբ.

2019թ. Մայիս 10ից 12ը, Աթէնքում տեղի ունեցաւ ՀՅԴ Երիտասարդական միութիւնների համաեւրոպական խորհրդաժողովը՝ հետեւեալ խորագրով. «Զանգուածային էլեկտրոնային լրատուամիջոցների ու ընկերային ցանցերի հնարաւորութիւնների օգտագործումը՝ յօգուտ Հայ Դատի աշխատանքների ու Արցախի ճանաչման»:

Հայաստանից, Արցախից, Շուէդիայից, Հոլանդիայից, Բելգիայից, Անգլիայից, Ֆրանսիայից եւ Յունաստանից մօտ 50 պատուիրակները ներկայացրին մասնակից միութիւնների գործունէութիւնը, լսեցին ընկերներ Միհրան Քիւրտողլեանի, Մուրատ Փափազեանի եւ Յովսէփ Տէր Գէորգեանի դասախօսութիւնները՝ ՀՅԴ մամուլի, Հայ Դատի, Արցախեան պայքարի ու տեղեկատուական պատերազմի վերաբերեալ:

Լիագումար նիստերի եւ յանձնախմբային աշխատանքների ընթացքում տեղի ունեցան բազմաթիւ քննարկումներ՝ հայութեանը եւ Եւրոպայի երիտասարդութեանը յուզող հարցերի շուրջ:

Ժողովը արձանագրեց հետեւեալը.

– Հայաստանի եւ հայութեան ներկայ վիճակը յղի է ներքին եւ արտաքին բազմաթիւ վտանգներով: ՀՅԴ Երիտասարդական միութիւնները յանձնառու են հզօր, ժողովրդավար, ընկերվար եւ ազգային արժէքներ կրող պետութեան կերտման գործին: Ժողովը ողջունեց ՀՅԴ Հայաստանի Երիտասարդական Միութեան տարած աշխատանքը՝ երկրում ընկերային տարաբնոյթ խնդիրների, ընկերային արդարութեան հաստատման, ժողովրդի կարիքների ապահովման, բնապահպանական ու այլ ուղութիւններով:

– Հայաստանի եւ Արցախի անվտանգութիւնն ու եւրոպական երկրներում Թուրք-ազերիական լոբբիզմի դէմ պայքարը առաջնահերթութիւն է ՀՅԴ երիտասարդութեան համար: Աշխատանք պէտք է տարուի, որպէսզի թրքական պետութեան կողմից, մեր արդար իրաւունքների հատուցման հարցը դառնայ տիրական՝ հայ երիտասարդութեան եւ հայութեան ընդհանուր օրակարգերի համար:

– ՀՅԴ եւրոպահայ երիտասարդութիւնը հաստատում է, որ Ջաւախքի հայութեան ու երիտասարդութեան ուղղութեամբ տարուող աշխատանքները պէտք է նոր թափ ստանան՝ շրջանի հայեցի դիմագիծը պահպանելու համար:

– Պէտք է շարունակել Եւրոպայի տարածքում գտնուող գաղութների ու նրանց երիտասարդութեան կազմակերպման ու վերաշխուժացման աշխատանքը: Հայկական իրականութեան եւ յատկապէս Սփիւռքի մէջ ամենատարածուն, բազմանդամ, գաղափարական ու քաղաքականացած հայկական երիտասարդական ուժը հանդիսնալով՝ ՀՅԴ երիտասարդականը գիտակից է իր ստանձնած առաքելութեանը:

– Զանգուածային լրատուամիջոցների ու ընկերային ցանցերի ճիշդ օգտագործումը կարեւոր միջոց է ՀՅԴ երիտասարդականի նպատակներն ու գործունէութիւնը ներկայացնելու, թշնամիների եւ մրցակիցների տեղեկատուական յարձակումներին եւ ցեխարձակումներին արձագանգելու գործում: ՀՅԴ երիտասարդականը ամէն ջանք պէտք է գործադրի արդիական, գրաւիչ, հետեւողական ու ներգործուն ներկայութիւն լինելու համար այս ցանցերի վրայ: Ժողովը շեշտեց նաեւ ՀՅԴ երիտասարդական պարբերաթերթերի դերը՝ մտաւորական ուժի ձեւաւորման գործում:

Մասնակիցները հաստատեցին, որ տարածաշրջանային նմանօրինակ հանդիպումները եւրոպահայ դաշնակցական երիտասարդութեանը զինում են նորանոր գիտելիքներով եւ դաշնակցական սկզբունքներով՝ շարունակելու համար քրիստափորեան յարատեւ կռիւը:

 

ՀՅԴ ԲԻՒՐՈՅԻ

ԵՐԻՏԱՍԱՐԴԱԿԱՆ ԳՐԱՍԵՆԵԱԿ

14.05.2019

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top