Փայլան Բողոք Պիտի Ներկայացնէ Հայ Երեխան Կրօնափոխելու Հարցով

0516paylan1

0516paylan1

ԵՐԵՒԱՆ, «Արմէնփրէս».- Թուրքիոյ խորհրդարանի հայազգի պատգամաւոր Կարօ Փայլան կը պատրաստուի թուրք հաղորդավար Նիհաթ Հաթիպօղլուի դէմ պաշտօնական բողոք ներկայացնելու:

Անդրադառնալով քանի մը օր առաջ թրքական կայանէ մը ուղիղ սփռումի մը ընթացքին հայ քրիստոնեայ, 13ամեայ Արթուրի կրօնափոխութեան հարցին, Փայլան «Ֆէյսպուք»ի իր էջին վրայ գրած է. «Հանդիպեցայ Նիհաթ Հաթիպօղլուի կողմէ շահագործուած Արթուրի մօր (Ալինա Ենգիբարեան) հետ: Ան յայտնեց, որ տուեալ հաղորդման մէջ իր զաւակին ներկայութիւն առանց իր արտօնութեան եղած է: Պաշտօնական բողոք պիտի ներկայացնեմ ձայնասփիւռի եւ պատկերասփիւռի բարձրագոյն խորհուրդին եւ դատախազութեան՝ երեխաներու շահագործում իրականացուցած այս հաղորդումին դէմ»:

Յատկանշական է, որ հաղորդման ընթացքին Հաթիպօղլու յայտարարած էր, որ կրօնափոխութեան համար ստացուած է Արթուրի մօր համաձայնութիւնը։

Արթուրի ընտանիքը Թուրքիա տեղափոխուած էր 13 տարի առաջ։ Ըստ Արթուրի մօր հաստատումին՝ իր որդին եւ իրենց ընտանիքը քրիստոնեայ են:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top