Չինաստանի Վարչապետը Կարեւոր Կը Համարէ Հայաստանի Հետ Երկկողմ Տնտեսական Կապերու Զարգացումը

0516primeministers

 

0516primeministers

ԵՐԵՒԱՆ, «Արմէնփրէս».- Վարչապետ Նիկոլ Փաշինեան Չորեքշաբթի, 15 Մայիսին, Պէյճինկի  Ժողովրդական ներկայացուցիչներու պալատին մէջ հանդիպեցաւ Չինաստանի պետական խորհուրդի նախագահ (վարչապետ) Լի Քեցեանի հետ:

Չինաստանի վարչապետը ողջունեց Նիկոլ Փաշինեանը եւ յայտնեց, թէ վստահ է, որ անոր այցելութիւնը հայ-չինական յարաբերութիւններու յետագայ զարգացման ու ամրապնդման պիտի նպաստէ: Ան ընդգծեց երկկողմ դարաւոր կապերու փաստը եւ աւելցուց, որ լաւ հիմքեր կան Չինաստանի եւ Հայաստանի միջեւ փոխգործակցութեան նոր թափ հաղորդելու:

«Մենք կրնանք սերտօրէն համագործակցիլ տարբեր ոլորտներու մէջ՝ նկատի ունենալով մեր երկու երկիրներու ընդհանրութիւնները: Ատոր համար կայ ամուր քաղաքական հիմք», ընդգծեց Լի Քեցեան:

«Շատ ուրախ եմ այս հանդիպման կապակցութեամբ: «Ասիական քաղաքակրթութիւնների երկխօսութեան» համաժողովը շատ կարեւոր է մեզ համար: Կայացաւ համաժողովի բացումը, որը շատ տպաւորիչ էր: Այս համաժողովը լաւ հնարաւորութիւն է քննարկելու յետագայ համագործակցութեան հարցերը: Ես շատ ուրախ եմ այդ հնարաւորութեան եւ համաժողովի շրջանակներում ձեզ հետ հանդիպելու համար: Հայաստանն ու Չինաստանն ունեն ընդհանուր շահեր: Ես կարծում եմ, որ այս այցելութիւնը նոր խթան կը լինի աշխատելու այն ծրագրերի շուրջ, որոնցում ներկայացուած են Հայաստանի ու Չինաստանի շահերը», իր կարգին ըսաւ Փաշինեան:

Փաշինեան կարեւոր համարեց փոխգործակցութիւնը արդիւնաբերութեան, փոխադրամիջոցներու եւ տեղեկատուական արհեստագիտութեանց ոլորտներու մէջ:

Լի Քեցեան նշեց, որ չինական կողմին մօտեցումները կը համընկնին վարչապետ Փաշինեանի հնչեցուցած ոլորտային առաջնահերթութիւններուն հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top