Համազգայինի Ֆիլատելֆիոյ Մասնաճիւղի Փառատօնը

0000PHILADELPHIA1

0000PHILADELPHIA1Շաբաթ, 27 Ապրիլին, Ֆիլատելֆիոյ Համազգայինի կազմակերպութեամբ, տեղւոյն Սուրբ Գրիգոր Լուսաւորիչ եկեղեցւոյ սրահին մէջ տեղի ունեցաւ «Հայկական արուեստ եւ Ճազ փառատօն»ը (Armenian Art and Jazz Fest), որուն մասնակցեցան առաւել քան երեք հարիւր ներկաներ:

Երեսուն հայ արուեստագէտներու գործեր ցուցադրուեցան, որոնց կարգին գեղանկարչութիւններ, լուսանկարներ, քանդակներ որոնք կը պատկանին հանրածանօթ դէմքերու: Այսպէս ցուցադրուեցան գործեր Արէգ Էլիպէքեանէն, Վաղարշակէն, Գէորգ Շատոյեանէն, Արմէն Եփոյեանէն եւ այլ արուեստագէտներէ: Իսկ, միեւնոյն ժամանակ Լիւսի Եղիազարեան եւ իր նուագախումբը ելոյթ ունենալով մեծ խանդավառութիւն ստեղծեց:

Այս փառատօնով կարելի եղաւ հաւաքել 25 հազար տոլար, որ պիտի յատկացուի մասնաճիւղին կողմէ հովանաւորուած հիմնադրամի մը: Այս հիմնադրամին նպատակը պիտի ըլլայ քաջալերել հայ երիտասարդ արուեստագէտները:

Ներկաները առիթը ունեցան հանդիպելու նորաձեւութեան աշխարհի հանրածանօթ տիպարներէն Փաթրիշա Ֆիլտի հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top