Ամերիկայի Հայ Դատի Յանձնախումբը Ընդունած է Հայաստանի Անվտանգութեան Խորհուրդի Քարտուղարը

0522anc1

0522anc1

Մայիս 20ին, Անվտանգութեան խորհուրդի քարտուղար Արմէն Գրիգորեան, Ամերիկայի Միացեալ Նահանգներ կատարած աշխատանքային այցի ժամանակ, այցելած է Ամերիկայի Հայ Դատի յանձնախումբի (Armenian National Committee of America) կեդրոնատեղի եւ հանդիպած կազմակերպութեան ղեկավար կազմին հետ, կը տեղեկացնեն ՀՀ Անվտանգութեան խոհուրդէն:

Հանդիպման սկիզբը քարտուղար Գրիգորեան ներկայացուցած է իր աշխատանքային այցի մանրամասնութիւնները, տեղի ունեցած եւ նախատեսուող հանդիպումները, ձեռնարկները եւ արձանագրուած արդիւնքները: Հայ Դատի գործադիր տնօրէն Արամ Համբարեան ներկայացուցած է յանձնախումբի ներկայ աշխատանքները եւ նպատակները:

Հանդիպման ընթացքին քննարկուած են Հայաստանի մէջ տեղի ունեցող քաղաքական գործընթացները եւ հայ-ամերիկեան յարաբերութիւններու զարգացման առնչուող հարցեր:

Աւելի ուշ, ԱԽ քարտուղարը հանդիպած է «Ամերիկայի Հայկական Համագումար»ի (Armenian Assembly of America) գործադիր տնօրէն Պրայըն Արտունիի հետ:

Հանդիպման ընթացքին կողմերը քննարկած են հայ-ամերիկեան յարաբերութիւններու, Ամերիկայի հայկական համայնքին եւ Սփիւռքի կառոյցներու հետ համագործակցութեան օրակարգային հարցեր:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top