Վիվիան Էքճեան Կլենտէյլի Միացեալ Կրթաշրջանի Վերահսկիչ Նշանակուեցաւ

New superintendent for LAUSD San Fernando Valley Vivian Ekchian at Daniel Pearl Magnet School in Van Nuys Wednesday, July 8 2015.  ( Photo by David Crane/Los Angeles Daily News )

New superintendent for LAUSD San Fernando Valley Vivian Ekchian at Daniel Pearl Magnet School in Van Nuys Wednesday, July 8 2015.  ( Photo by David Crane/Los Angeles Daily News )

ԿԼԵՆՏԷՅԼ.- Կլենտէյլի միացեալ կրթաշրջանի վարչութիւնը Երեքշաբթի, 21 Մայիսին, միաձայնութեամբ որոշեց Կլենտէյլի միացեալ կրթաշրջանի ժամանակաւոր վերահսկիչ նշանակել Վիվիան Էքճեանը, որ պիտի հանդիսանայ 106ամեայ կրթաշրջանի առաջին կին եւ առաջին հայ վերահսկիչը։

Լոս Անճելըսի միացեալ կրթաշրջանին մէջ 34 տարիներու աշխատանքի փորձառութիւն ունեցող Էքճեան ներկայիս Լոս Անճելըսի միացեալ կրթաշրջանին վերահսկիչի տեղակալն է, իսկ անցեալ տարի եղած էր անոր ժամանակաւոր վերահսկիչը, մինչեւ նոր վերահսկիչի մը նշանակումը։

Վիվիան Էքճեան, որ իր նոր պաշտօնը պիտի ստանձնէ 1 Յուլիսին, նաեւ եղած է ուսուցիչ, տնօրէն, դասաւանդութիւններու պատասխանատու, վերահսկիչի անձնակազմի պետ եւ շրջանային վերահսկիչ։

Կլենտէյլի միացեալ կրթաշրջանի վարչութիւնը վերահսկիչի լաւագոյն պաշտօնատարը գտնելու համար հարցաքննած էր 9 նահանգներէ 21 թեկնածուներ։

«Լոս Անճելըսի միացեալ կր-թաշրջանէն Կլենտէյլի միացեալ կրթաշրջան անցնելու որոշումը կեանքիս կարեւոր որոշումներէն մէկն էր, որուն հասայ, երբ համոզուեցայ, որ պատրաստ եմ անոր։ Ուզեցի սպասարկել այն համայնքին, որուն մէջ կ՛ապրիմ», յայտնեց Էքճեան։

Յայտնենք, որ Կլենտէյլի միացեալ կրթաշրջանը ունի նախակրթարանէն մինչեւ 12րդ դասարան յաճախող մօտաւորապէս 26,000 աշակերտներ, 32 վարժարաններու մէջ:

Վիվիան Էքճեան կարեւոր դերակատարութիւն ունեցած է Քալիֆորնիոյ հանրային վարժարաններուն մէջ Հայոց Ցեղասպանութեան դասաւանդումներ կատարելու պայքարին մէջ եւ արժանացած է Արեւմտեան Ամերիկայի Հայ Դատի յանձնախումբի մրցանակին՝ Հայոց Ցեղասպանութեան դասաւանդման մարզին մէջ իր ունեցած յատկանշական ներդրումին համար։

Կլենտէյլի Հայ Դատի յանձնախումբը շնորհաւորեց դոկտ. Վիվիան Էքճեանը եւ շնորհակալութիւն յայտնեց Կլենտէյլի միացեալ կրթաշրջանի վարչութեան, որ նկատի առած է հայ վերահսկիչ մը նշանակելու Հայ Դատի յանձնախումբին առաջարկը, նոյն ժամանակ յոյս յայտնելով, որ վերահսկիչին եւ վարչութեան հետ գործակցութեամբ կարելի կ՛ըլլայ կրթական աւելի լաւ պայամններ ստեղծել քաղաքին բոլոր աշակերտներուն համար:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top