Ֆրեզնոյի Նախկին Բնակիչ Արա Տոլարեան Կ՛ամբաստանուի Զէնքի Ապօրինի Վաճառքով

0522Dolarian

0522Dolarian

ՖՐԵԶՆՕ, «Ֆրեզնօ Պի».- 20 Մայիսին, Միացեալ Նահանգներու դաշնակցային դատախազութիւնը զէնքերու ապօրինի միջազգային առեւտուրով զբաղելու յանցանքով ամբաստանեց Ֆրեզնոյի նախկին բնակիչ՝ 58ամեայ Արա Տոլարեանը, որ Ֆրեզնոյի իր մօր բնակարանին մէջ, 15 Մայիսին ձերբակալուած էր։

Ըստ ամբաստանութեան՝ ան մօտաւորապէս 8.5 միլիոն տոլար արժող զէնք եւ զինամթերք վաճառած է եւ գումարները ապօրինի միջոցներով ծածկել փորձած է, որուն համար ան կրնայ մինչեւ 45 տարուան բանտարկութեան դատապարտուիլ։ Իշխանութիւնները նաեւ սառեցուցած են ենթակային մօտաւորտապէս 6 միլիոն տոլարի հասնող գումարները։

Դատարանի փաստաթուղթերուն համաձայն՝ Տոլարեան սեփականատէրն է զէնքի վաճառքով զբաղող «Dolarian Capital Inc.» ընկերութեան, որ հաստատուած է Ֆրեզնոյի Շօ թաղին վրայ։ Սակայն, այդ ընկերութիւնը զէնքի միջազգային վաճառքներ կատարելու արտօնութիւն չունի։

Մինչեւ բանտարկուիլը, ամերիկեան քաղաքացիութիւն ունեցող Տոլարեան կը բնակէր Սոֆիա եւ կարճատեւ այցելութեան մը համար Ֆրեզնօ կը գտնուէր։

Անոր փաստաբանը հերքեց Տոլարեանի դէմ կատարուած ամբաստանութիւնները, սակայն չկրցաւ զայն փրկագինով բանտէն դուրս հանելու համաձայնութիւն մը ապահովել դատաւորէն։

Ամբաստանագիրին մէջ կը շեշտուի, որ Տոլարեան միլիոնաւոր տոլարներ արժող զէնքեր ծախած է Նիճերիոյ, Արեւելեան Եւրոպայի կարգ մը երկիրներու եւ Հարաւային Ափրիկէի: Գումարներուն մէկ մասը իրեն փոխանցուած են Հոնկ Քոնկի մէջ արձանագրուած կահոյքի շինծու ընկերութեան մը միջոցաւ:

Տոլարեան զաւակն է Արա եւ Ռոզ Տոլարեաններու։ Հայրը եղած է Քալիֆորնիոյ նահանգային համալսարանի Ֆրեզնոյի մասնաճիւղի Արուեստի բաժանմունքին վարիչը, իսկ մայրը՝ խաղաղութեան ի նպաստ պայքարող գործիչ մը։ Արձանագործութեան եւ նկարչութեան մէջ մասնագիտանալէ ետք, Արա Կրտսերը շրջան մը արձանագործութեամբ զբաղած է եւ «Ֆրեզնօ Պի» թերթը 1984ին անոր գործերուն մասին յօդուած մը գրած էր։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Վռամ said:

    «Խաղաղութեան ի նպաստ պայքարող գործիչ» մօր զաւակը՝ միջազգային զինավաճառ…: Ի՜նչ մարդկային կատակերգութիւն:

*

Top