Հանրապետական Մաղթանք Եւ Եռագոյն Դրօշի Օրհնութիւն Թեմի Եկեղեցիներուն Մէջ

0000First_Republic_of_Armenia

0000First_Republic_of_Armenia

ԷՆՍԻՆՕ.- Կիրակի, 26 Մայիսին, Հայաստանի Ա. Հանրապետութեան հիմնադրութեան 101ամեակին առիթով, Արեւմտեան թեմի առաջնորդ Մուշեղ արք. Մարտիրոսեանի տնօրինումով, թեմի բոլոր եկեղեցիներուն մէջ Հանրապետական Մաղթանք եւ Եռագոյն դրօշի օրհնութիւն պիտի կատարուի։ Ս. պատարագի աւարտին, հոգեհանգստեան աղօթք պիտի բարձրացուի Սարդարապատի, Ղարաքիլիսէի, Բաշ Ապարանի եւ այլ ճակատամարտերուն ինկած հերոսներուն հոգիներուն համար։

Առաջնորդը պիտի հանդիսապետէ Էնսինոյի Ս. Նահատակաց եկեղեցւոյ պատարագին եւ Հանրապետական Մաղթանքի արարողութեան, պիտի կատարէ Եռագոյն դրօշի օրհնութիւնը եւ փոխանցէ իր պատգամը։

«Կը հրաւիրենք մեր հաւատացեալ ժողովուրդը ներկայ գտնուելու հոգեպարար արարողութեան աղօթք բարձրացնելու մեր անկախ հայրենիքին ու ժողովուրդին ապահովութեան ու բարգաւաճման համար, եւ վերանորոգելու անկախութեան սերունդի կտակին հաւատարմութեան մեր ուխտը», նշուած է Ազգային առաջնորդարանի յղած հաղորդագրութեան մէջ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top