Արմատներ Հայրենի Հողին Մէջ

0522atp

Շաբաթ 11 Մայիսին, Փասատինա քաղաքի Ս. Գրիգոր Լուսաւորիչ շաբաթօրեայ վարժարանը հիւրընկալեց «Հայկական ծառատունկի ծրագիր» (ՀԾԾ) կազմակերպութեան ներկայացուցիչ Անահիտ Ղարիպեանը: Վարժարանը եւ այդ կազմակերպութիւնը համագործակցելու երկարամեայ պատմութիւն ունին:

Անահիտ Ղարիպեան աշակերտներուն խօսեցաւ Հայաստանի մէջ ծառ տնկելու կարեւորութեան մասին եւ աշակերտներուն հասկնալի լեզուով բացատրեց տնտեսական, ընկերային եւ բնապահպանական, ինչպէս նաեւ՝ գեղագիտական պատճառները: Ապա, աշակերտները դիտեցին վաւերագրական շարժապատկեր մը, որուն մէջ 1991էն մինչեւ այսօր Հայաստանի մէջ ՀԾԾի կատարած գործունէութիւնը կը ցուցադրուէր:

Այս առիթով, վարժարանի աշակերտները հանգանակութիւն մը կատարեցին: Անոնք դպրոցի պատմական գանձանակին մէջ տոլարներ հաւաքեցին, որպէսզի Հայաստանի մէջ ծառ մը ունենան եւ արմատ դնեն հայրենի հողին մէջ: Աւարտին իւրաքանչիւր աշակերտ ստացաւ ՀԾԾի կողմէ հրատարակուած դաստիարակչական գրքոյկ մը եւ իւրայատուկ շապիկ մը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top