Չինական Ընկերութիւն Մը Ստեփանաւանի Մէջ Հանքային Ջուրերու Ծրագիր Պիտի Իրականացնէ

ԵՐԵՒԱՆ.- Հայաստանի կառավարութիւնը հաւանութիւն տուաւ «Նիու Իտա» ընկերութեան կողմէ ներկայացուած Լոռի մարզի Ստեփանաւան համայնքի Կաթնաղբիւր վարչական տարածքին մէջ իրականացուելիք ներդրումային ծրագիրին հարկային արտօնութիւններ տրամադրելու նախագիծին:

Ըստ «Արմէնփրէս»ի փոխանցած տեղեկութիւններուն՝ ընկերութիւնը ներկայացուցած է հանքային ջուրի արդիւնահանման եւ շշալցման գործարանի կառուցման ներդրումային ծրագիրը, որուն համաձայն կը նախատեսէ շուրջ 5 միլիոն ամերիկեան տոլարի ներդրում եւ 20-50 նոր աշխատատեղի ստեղծում  5 տարուան ընթացքին:

Տարածքային կառավարման եւ զարգացման նախարար Սուրէն Պապիկեան յայտնեց, որ «Նիու Իտա»ն չինական ընկերութիւն մըն է, որ կը նախատեսէ Հայաստանի մէջ ջուրերու արտադրութեան սկսիլ: «18 ամսուան ընթացքին ներդրողը պէտք է կատարէ բոլոր նախատեսուած ներդրումները՝ 5 միլիոն տոլարի ներդրում»:

Վարչապետը հարցուց, թէ որքա՞ն աշխատատեղ պիտի բացուի ներդրումային ծրագիրը կեանքի կոչելուն իբրեւ արդիւնք. Սուրէն Պապիկեան ընդգծեց, որ մօտաւորապէս 50 աշխատատեղ պիտի բացուի, բայց շեշտեց, որ անիկա մօտաւոր հաշուարկ է, որովհետեւ աշխատատեղերու թիւը կրնայ աւելնալ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top