Հայաստանի Եւ Չինաստանի Միջեւ Վիզայի Դրութիւնը Պիտի Վերցուի

ԵՐԵՒԱՆ.- Հայաստանի կառավարութեան Հինգշաբթի օրուան նիստին որոշուեցաւ Հայաստանի եւ Չինաստանի միջեւ սովորական անձնագիրներ ունեցող անձերու համար մուտքի արտօնագիրի պահանջը փոխադարձաբար վերցնել:

Համաձայնագիրով կը նախատեսուի, որ իւրաքանչիւր կողմի պետութեան վաւեր անձնագիրներ ունեցող քաղաքացիները միւս կողմի պետութեան տարածք մուտք գործելու եւ դուրս գալու կամ տարանցիկ երթեւեկելու միջոցին ազատին մուտքի արտօնագիրի պահանջէն՝ իրենց մուտք գործելու ամսաթիւէն մինչեւ 90 օր ժամկէտով, 180 օրուան ընթացքին:

«Կողմերը շահագրգիռ են տարբեր ոլորտներու մէջ համագործակցութիւնը շարունակ խորացնելու հարցով, ինչպէս՝ միջանձնային շփումներու եւ զբօսաշրջութեան խթանման միջոցով», կ՛ըսուի հիմնաւորման մէջ:

Համաձայնագիրը պիտի ստորագրուի Չինաստանի արտաքին գործոց նախարարին՝ յառաջիկային Հայաստան նախատեսուած այցելութեան ընթացքին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top