Սփիւռքի Գործերու Գրասենեակ

Asbarez Logo

 

Asbarez Logo

«ԱՍՊԱՐԷԶ»

 

Վարչապետ Նիկոլ Փաշինեան հաստատեց Սփիւռքի գործերու գլխաւոր յանձնակատարի գրասենեակի կանոնադրութիւնը:

«Ասպարէզ»ին արդէն յայտնի է յանձնակատարի պաշտօնը վարելու հրաւիրուած անձին անունը: Կը սպասենք նշանակումի պաշտօնական յայտարարութեան, որ պիտի ըլլայ յառաջիկայ օրերուն:

Կառավարութեան կայքին վրայ հրապարակուած է Սփիւռքի յանձնակատարի գրասենեակի կանոնադրութիւնը, զոր կրնաք ամբողջութեամբ կարդալ այցելելով՝

https://www.e-gov.am/u_files/file/decrees/varch/2019/06/668%D5%BE.pdf կայքէջը:

Կը ներկայացնենք այս գրասենեակին գործունէութիւնը կարգաւորող կանոնադրութեան հիմնական կէտերը.

Յանձնակատարը պիտի վերահսկէ այս գրասենեակի աշխատանքներուն եւ պիտի համակարգէ զանոնք: Ան հաշուետու պիտի ըլլայ վարչապետին:

Գրասենեակը կազմուած պիտի ըլլայ ղեկավարէ մը, անոր տեղեկալներով եւ հիմնական մասնագիտական կառուցուածքային ստորաբաժանումներով:

Գրասենեակը կը հետապնդէ չորս նպատակներ.

1.- Վարչապետի Սփիւռքի քաղաքականութեան եւ Սփիւռքի հետ տարուող աշխատանքներու միասնականութեան ապահովումը.

2.- Սփիւռքի յանձնակատարի աշխատանքներուն աջակցութիւն.

3.- Հայրենադարձութեան գործընթացի կազմակերպման աջակցութիւն.

4.- Հայաստան-Սփիւռք գործակցութեան ապահովում, կապերու ամրապնդում եւ հայ ժողովուրդի հոգեւոր միասնութեան ապահովում:

Գրասենեակի հարցերն են՝

1.- Սփիւռքի ներուժի թիրախային գնահատում, համահայկական ցանցի ստեղծում, գիտական եւ մասնագիտական հմտութիւններու եւ փորձառութեան գնահատման ու դասակարգման քարտէսագրում:

2.- Աջակցիլ հայրենադարձութեան եւ Հայաստանի մէջ սփիւռքահայութեան համարկման գործընթացին. մշակել համահայկական խնդիրներու լուծման գործին առաջարկներ՝ ազգային կառոյցներու դերակատարութեան բարձրացման վերաբերեալ։

3.- Աջակցիլ յանձնակատարին։

4.- Մշակել Հայաստան-Սփիւռք արդիւնաւէտ գործակցութեան կառոյց:

5.- Սփիւռքի համայնքային մասնագիտական եւ հասարակական կառոյցներու հետ մշակել համահայկական օրակարգ:

6.- Աջակցիլ հայապահպանման եւ հայ համայնքներու զարգացման համար բարենպաստ միջավայրի ստեղծման գործին:

Գրասենեակի հիմնական մասնագիտական ստորաբաժանումներն են.

1.- Եւրոպայի հայ համայնքի վարչութիւն

2.- Ամերիկայի հայ համայնքի վարչութիւն

3.- ԱՊՀի հայ համայնքներու վարչութիւն

4.- Մերձաւոր եւ Միջիան Արեւելքի հայ համայնքներու վարչութիւն

5.- Մերձաւոր Սփիւռքի հետ կապերու վարչութիւն

6.- Համահայկական, միջազգային եւ եկեղեցական կառոյցներու հետ կապերու վարչութիւն

7.- Հայրենադարձութեան ծրագիրներու վարչութիւն

8.- Համահայկական ծրագիրներու վարչութիւն

9.- Սփիւռքի ներուժի հաշուառման եւ տեղեկատուական վերլուծութիւններու վարչութիւն

10.- Սփիւռքի մէջ տեղեկատուական ռազմավարութեան մշակման եւ իրականացման վարչութիւն:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

2 Comments

  1. S. Dermelkoniann said:

    Diaspora communities official representatives help solving problems faster,expenses paid by each community.

*

Top