Արամ Արք. Աթէշեան Այցելեց Սամաթիոյ Մէջ Դաշունահար Եղած Հայուհիին

0000ATESHIAN

0000ATESHIAN

Պատրիարքական ընդհանուր փոխանորդ Արամ արք. Աթէշեան շաբաթավերջին այցելութիւն մը տուաւ Հայաստանէն արտագաղթելով Պոլիս հաստատուած Սարգիս եւ Արփինէ ամոլին:

Յիշեցնենք, որ շուրջ երկու շաբաթ առաջ, Արփինէն Սամաթիոյ իր բնակարանին մէջ դաշունահարուած էր: Այս ցաւալի եւ սարսափելի դէպքին իբրեւ հետեւանք՝ Սարգիսը եւ Արփինէն ներկայիս կ՛ապրին վախի մէջ: Մատնուած ըլլալով խոր մտահոգութեան՝ անոնք լքած են Սամաթիոյ իրենց բնակարանը եւ ներկայիս կը հիւրընկալուին ուրիշ տան մը մէջ: Սամաթիոյ մէջ պատահած այս դէպքը այսքան ժամանակէ ի վեր նոյնիսկ մասամբ չէ լուսաբանուած: Արփինէն իր բնակարանին մէջ դաշունահարուած է երկու ծայրայեղականներու կողմէ:

Արամ արք. Աթէշեան այցելութեան ընթացքին իր հայրական օրհնութիւնը եւ բարոյական զօրակցութիւնը յայտնեց Սարգիս եւ Արփինէ ամոլին:

Աթէշեան հետաքրքրուեցաւ դէպքի մանրամասնութիւններով եւ յաջորդած իրադարձութիւններով: Ընդհանուր փոխանորդը նոյն ատեն աղօթք արտասանեց Արփինէին վրայ, որպէսզի ան կարենայ յաղթահարել այս մեծ ցնցումը: Արամ արք. Աթէշեան այցելութեան ընթացքին ընդգծեց, որ պատրիարքական աթոռը կը շարունակէ Անվտանգութեան տնօրէնութեան հետ շփման մէջ մնալ եւ իրադարձութիւններուն պիտի հետեւի՝ մինչեւ որ յանցագործները հաշիւ տան օրէնքին առջեւ: Միւս կողմէ, Սարգիս եւ Արփինէ ամոլը արդէն որոշած են մօտ օրէն վերադառնալ Հայաստան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top