Ներկայացուցիչներու Տունը Թուրքիայէն Կը Պահանջէ Վերջ Տալ «Էս. 400»ներ Գնելու Ծրագիրին

0612engel

0612engel

ՈՒԱՇԻՆԿԹԸՆ.- Ներկայացուցիչներու տան Արտաքին յարաբերութեան յանձնախումբի ատենապետ դեմոկրատ Էլիըթ Էնկըլի եւ յանձնախումբի բարձրաստիճան հանրապետական անդամ Մայքըլ ՄըքՔոլի հեղինակած թիւ 372 բանաձեւը 10 Յունիսի երեկոյեան միաձայնութեամբ վաւերացուեցաւ Ներկայացուցիչներու տան կողմէ։

Բանաձեւը Թուրիայէն կը պահանջէ կասեցնել Ռուսիայէն «Էս. 400» հրթիռային համակարգեր գնելու ծրագիրը, այլապէս՝ սպառնալով պատժամիջոցներ սահմանել Անգարայի դէմ, նոյն ժամանակ ազդարարելով, որ ՆԱԹՕի հետ Թուրքիոյ յարաբերութիւնները կրնան հարցականի տակ դրուիլ։

Թուրքիոյ արտաքին գործոց նախարարութիւնը 11 Յունիսին խստօրէն դատապարտեց բանաձեւը ու անոր մէջ տեղ գտած սպառնալիքները: Ըստ նախարարութեան՝ բանաձեւը թուրք-ամերիկեան բարեկամական յարաբերութիւններուն վնաս կը հասցնէ:

Անցեալ շաբաթ, Միացեալ Նահանգներու պաշտպանութեան նախարարի պաշտօնակատար Փեթրիք Շենեհեն նամակ մը յղած է իր թուրք պաշտօնակից Հուլուսի Աքարին՝ պահանջելով այս գծով յստակ ընտրութիւն կատարել մինչեւ 31 Յուլիս:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top