Իսլանտա-Թուրքիա Եւ Ֆրանսա- Թուրքիա «Ֆութպոլային» Վէճեր

0612trk icland

0612trk icland

ՊՈԼԻՍ, «Մարմարա».- Թուրքիոյ ֆութպոլի ազգային խումբը Եւրոպայի ազգային խումբերու 2020ի ախոյեանութեան զտումի մրցումներու ծիրին մէջ, 10 Յունիսին մեկնեցաւ Իսլանտա։

Օդակայանին մէջ, թուրք մարզիկները մանրակրկիտ կերպով խուզարկուեցան, որուն իբրեւ հետեւանք՝ ֆութպոլիստները երեք ժամ օդակայանը մնացին։ Ամէնէն զայրացուցիչը այն էր, որ խաղացողներէն մէկը, որ օդակայանին մէջ կը պատասխանէր լրագրողներու հարցումներուն, յանկարծ դէմ յանդիման մնաց իսլանտացի մարզասէրի մը կողմէ դէպի իրեն երկարած՝ բաղնիք մաքրող խոզանակ մը։ Թուրքիոյ արտաքին գործոց նախարարութիւնը այս գծով բողոքագիր ներկայացուց Իսլանտայի։

Միւս կողմէ, նոյն մրցաշարքին ծիրին մէջ տեղի ունեցած Շաբաթ օրուան Թուրքիա-Ֆրանսա մրցումէն առաջ, Ֆրանսայի ազգային քայլերգի երգեցողութեան պահուն, թուրք մարզասէրներ սուլելու սկսան։

Ֆրանսայի նախագահի նախկին թեկնածու Մարին Լը Փեն պահանջեց պատժամիջոցներ կիրարկել Թուրքիոյ ֆութպոլի դաշնակցութեան դէմ՝ աւելցնելով. «Ազգային քայլերգի երգեցողութեան պահուն սուլելը խայտառակութիւն է»։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top