Իրան Գերմանիոյ Հետ Քննեց Հիւլէական Համաձայնութիւնը Պահպանելու Կարելիութիւնները

0612maas iran

0612maas iran

ԹԵՀՐԱՆ, «Ալիք».- Գերմանիոյ արտաքին գործոց նախարար Հայքօ Մաաս 10 Յունիսին այցելեց Իրան, ուր իր իրանցի պաշտօնակից Մոհամետ Ճաւատ Զարիֆի հետ հանդիպում մը ունեցաւ։

«Շրջանին մէջ լարուածութեան աճը կրնայ կացութիւնը դուրս բերել հակակշիռէ, եւ պէտք չէ այդ մակարդակին հասնինք: Իրանցի պաշտօնատարներուն հետ երկարատեւ զրոյց ունեցայ եւ անոնց ներկայացուցի հիւլէական համաձայնութիւնը պահպանելու Գերմանիոյ, Ֆրանսայի եւ Բրիտանիոյ կեցուածքը», միացեալ մամլոյ ասուլիսին ընթացքին յայտնեց Մաաս։

Ան աւելցուց, որ նկատի ունենալով շրջանին մէջ Իրանի ունեցած ազդեցութիւնը՝ քննուեցան նաեւ շրջանային հարցեր, ինչպէս՝ Եմէնի եւ Սուրիոյ մէջ տիրող կացութիւնները:

«Գերմանիան կը շարունակէ զօրակցիլ հիւլէական համաձայնութեան։ Կը փորձենք շարունակել փոխադարձ առեւտուրը եւ կը ջանանք, որ եւրոպական ընկերութիւնները կարենան աշխատիլ Իրանի հետ», ըսաւ Մաաս:

«Իրանեան նոր քայլերը, հիւլէական համաձայնութեան համաձայն, օրինական են եւ զանոնք պիտի շարունակենք, ըստ միջազգային յանձնառութեանց: Իրանի եւ Գերմանիոյ հասարակաց նպատակը հիւլէական համաձայնագիրը պահպանելն է», իր կարգին յայտնեց Զարիֆ ՝ յոյս յայտնելով, որ հիւլէական համաձայնութիւնը պահպանելու Գերմանիոյ եւ եւրոպական երկիրներու ջանքերը յաջողութեամբ կը պսակուին:

Նշենք, որ գերմանացի նախարարը հանդիպում մը ունեցաւ նաեւ Իրանի նախագահ Հասան Ռոհանիի հետ։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top