Հայ Դասականների Ստեղծագործութիւնները Հնչեցին Բժիշկների Ու Գիտնականների Համար (Video)

0613uclaconcert

Ն. Ա.

«Եու.Սի.Էլ.Էյ.»ի Նեարդաբանութեան եւ մարդկային վարքագծի «Սեմել» ինստիտուտի անձնակազմն առիթ ունեցաւ ունկնդրելու հայկական դասական երաժշտութիւն: Յունիսի 6ին, «Սեմել Աուդիտորիում»ում «Եու.Սի.Էլ.Էյ.»ի հայկական երաժշտական ծրագրի «Վէմ» լարային քառեակի եւ մեներգչուհու կատարմամբ հնչեցին Արամ Խաչատրեանի, Կոմիտասի, Ալեն Յովհաննէսի, Արտաշէս Քարթալեանի ու Գեղունի Չթչեանի ստեղծագործութիւնները:

0613uclaconcert1Համերգի կազմակերպիչն էր «Սեմել» ինստիտուտի «Մայնդֆուլ Միւզիք» կազմակերպութիւնը՝ ի դէմս հիմնադիր-տնօրէն Դալիդա Առաքելեանի։ «Մենք նախաձեռնում ենք տարբեր ոճերի համերգներ՝ բուժանձնակազմի, հիւանդների համար՝ երաժշտութեան միջոցով բարելաւելու հոգեկան եւ ֆիզիկական առողջութիւնը, բարձրացնելու աշխատանքի արդիւնաւէտութիւնը:  Բազմաթիւ հետազօտութիւններ կան, որոնք վկայում են երաժշտութեան բուժիչ եւ բարերար ազդեցութեան մասին, յատկապէս սթրեսի եւ ընկճախտի դէպքերում: Երաժշտութիւնը նպաստում է տրամադրութեան բարձրացմանը, խթանում է մտքի աշխատանքը: Մենք օգտւում ենք այդ ուսումնասիրութիւններից՝ երաժշտութեան ուժը կիրառելի եւ զգալի դարձնելու մարդկանց համար: Համագործակցում ենք յայտնի երաժիշտների ու խմբերի հետ, եւ այս անգամ հրաւիրել էինք «Վէմ» նուագախմբին՝ ներկայացնելու հայկական երաժշտութիւն: Սա առիթ էր նաեւ մեր հանդիսատեսին, որոնց շարքում էին նաեւ ճանաչուած գիտնականներ ու բժիշկներ՝ ծանօթացնելու հայ դասականներին», նշեց Առաքելեանը:

Ներկաները ջերմութեամբ ընդունեցին հայկական ելեւէջները՝ երախտագիտութիւն յայտնելով հոգեպարար երաժտութեան համար, որ մատուցեց «Վէմ» նուագախումբը՝ «Եու.Սի.Էլ.Էյ.» համալսարանի հայկական երաժշտութեան բաժանմունքի հիմնադիր, պրոֆեսոր Մովսէս Պօղոսեանի ղեկավարութեամբ:

Նուագախմբի ազգութեամբ ոչ հայ անդամները՝ մեցօ-սոպրանօ Դանիել Սեգեն, ջութակահարուհիներ Ջի Հուն եւ Աիկոյ Հիմէն Ռիխտերը, ջութակահար Մորգան Օշոգհնեսին, եւ թաւջութակահար Ջէյսոն Փեգիսը մեծ վարպետութեամբ փոխանցեցին հայ դասականների ստեղծագործութիւնների էութիւնը հանդիսատեսին:

0613uclaconcert

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top