Հիլտա Չոպոյեան Եւ Վենսեն Տիւքլեր Հայաստանի Նախագահին Շքանշաններով Պատուըւեցան

0615hildatchoboyan

0615hildatchoboyan

Ֆրանսահայ ազգային եւ քաղաքական գործիչ Հիլտա Չոպոյեան եւ ֆրանսացի պատմաբան Վենսեն Տիւքլեր Երկուշաբթի, 10 Յունիսին ստացան Հայաստանի Հանրապետութեան նախագահին մրցանակը, որ հաստատուած է «Պօղոսեան» հիմնարկութեան եւ Հայաստան Համահայկական հիմնադրամին նախաձեռնութեամբ: Անոնք այս մրցանակին արժանացած են Հայոց Ցեղասպանութեան ճանաչման ի խնդիր իրենց տարած պայքարին համար:

Հիլտա Չոպոյեան երկար տարիներ վարած է Հայ Դատի Եւրոպայի գրասենեակի (EAFJD) նախագահի պաշտօնը: 2015էն ի վեր ան հիմնադիր-համանախագահուհին է FAIR ընկերակցութեան (Ֆրանսա-Հայաստան միջազգային ցանց), որուն առաքելութիւնն է ազգային եւ միջազգային մակարդակով՝ ֆրանսահայ, սփիւռքահայ եւ հայաստանցի արհեստաւորներու եւ ձեռնարկատէրերու ցանցերու զարգացման խթանումը: 2011էն մինչեւ 2015 ան եղած է Ռոն-Ալփ շրջանի խորհրդական: Covcas կեդրոնի նախագահուհիի իր հանգամանքով՝ ADCARLY-ի (Լիոնի շրջանին մէջ հայկական մշակոյթի զարգացման ընկերակցութիւն) հետ ան նախաձեռնած եւ Նոյեմբեր 2018ին կազմակերպած է միջազգային ստուար գիտաժողով մը «Արեւելեան ճակատէն 100 տարի ետք, Արեւելքն ու Հայաստանը պատերազմներու եւ խաղաղութեան միջեւ» խորագիրով:

Վենսեն Տիւքլեր տնօրէնն է Ընկերաբանական եւ քաղաքական հետազօտութիւններու «Ռեմոն Արոն» կեդրոնին (CESPRA, CNRS-EHESS), հետազօտող-դասախօս է EHESS-ի, նաեւ՝ Քաղաքական գիտութեանց վարժարանին՝ Sciences Po-ի դասախօս եւ Ֆրանսայի Ազգային կրթութեան նախարարութեան՝ ընդհանուր տեսուչ: Ան գլխաւորած է «Ֆրանսայի մէջ ցեղասպանութիւններու եւ զանգուածային ոճիրներու ուսումնասիրութեան առաքելութիւն»ը, որ այս տարուան սկիզբը նիւթին մասին ծաւալուն զեկոյց մը ներկայացուց ֆրանսական կառավարութեան: Բացի այդ, Ապրիլ 2019էն ի վեր ան կը ղեկավարէ Պատմաբաններու եւ հետազօտողներու յանձնաժողովը, որուն առաքելութիւնն է 1990էն 1994 Ռուանտայի վերաբերեալ ֆրանսական բոլոր արխիւներու ուսումնասիրութեան վրայ հիմնուած խորքային աշխատանքի մը իրագործումը: Ֆրանսահայ կազմակերպութիւնները համակարգող խորհուրդը (CCAF), իր կարգին, տարեկան իր ընթրիքին, 4 Փետրուար 2019ին անոր շնորհեց «Արիութեան շքանշան»ը:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top