«Արդարութեան Ջատագով» Մրցանակը՝ Հայ Դատի Յանձնախումբին 

 

0000JK and AS introduce EA

Մրցանակակիր Էլինա Աբովեան Ճոզէֆ Քասքանեանի եւ Արմէն Սահակեանի հետ

ԿԼԵՆՏԷՅԼ.- 450 հանդիսականներու նեկայութեամբ, 2 Յունիսին տեղի ունեցաւ «Հայկական ժամանցի խմբակ»էն Արա Ղազարեանի եւ Մհեր Պաղտասարեանի կողմէ կազմակերպուած «Ազդեցութիւն Բանեցնող»ներու մրցանակներու տուչութեան արարողութիւնը։

Լրատուամիջոցներէ եւ ժամանցի, քաղաքականութեան եւ գործարարութեան ոլորտներէն առաւել քան երկվեցեակ մը անձնաւորութիւններ մրցանակներու արժանացան։

«Արդարութեան Ջատագով» յատուկ մրցանակը ստացաւ Արեւմտեան Ամերիկայի Հայ Դատի յանձնախումբի ատենապետ իրաւաբան Նորա Յովսէփեան, նկատի ունենալով անոր եւ Հայ Դատի յանձնախումբին կենսական դերակատարութիւնը ամերիկահայութեան իրաւունքները պաշտպանելու գործին մէջ։

0000JK and AS

Ճոզէֆ Քասքանեան եւ Արմէն Սահակեան

Մրցանակը Յովսէփեանին յանձնեցին համահանդիսավարներ Արա Ղազարեան եւ Նոնա Մելքոնեան, որոնք դրուատեցին Արեւմտեան Ամերիկայի Հայ Դատի յանձնախումբին հայրենանուէր գործունէութիւնը եւ շեշտեցին յատկապէս քաղաքական գործիչները հաշուէտուութեան կանչելու եւ համայնքը քաղաքականապէս աւելի գործօն դարձնելու անոր ջանքերուն կարեւորութիւնը։

«Պատիւ ունիմ Արեւմտեան Ամերիկայի Հայ Դատի յանձնախումբին անունով ստանալու այս  մրցանակը, որ կ՛արժէւորէ կազմակերպութեան հազարաւոր գործիչներուն եւ կամաւորներուն տարած ամէնօրեայ պայքարը՝ ի սպաս Հայկական Հարցին։ Բոլորին ներդրումը կարեւոր է մեր համայնքին եւ մեր հայրենիքին բարգաւաճումը ապահովելու ջանքերուն մէջ», յայտարարեց Նորա Յովսէփեան։

Իբրեւ օրինակ, Յովսէփեան շեշտեց Կլենտէյլի քաղաքապետական խորհուրդի անդամ (այժմ՝ նախկին) Զարեհ Սինանեանի եւ Քալիֆորնիոյ նահանգային խորհրդարանի անդամ Էնթընի Փորթանթինոյի հետ Հայ Դատին գործակցութենէն ապահովուած դրական արդիւնքները, շնորհակալութիւն յայտնելով անոց գործակցութեան համար։

Նշենք, որ Սինանեան եւս ստացաւ մրցանակ մը, մինչ Փորթանթինօ մրցանակներէն մէկը յանձնողներէն էր։

0000Nora Hovsepian and Ara Kazaryan

Նորա Յովսէփեան եւ Արա Ղազարեան

Նաեւ, Արեւմտեան Ամերիկայի Հայ Դատի յանձնախումբէն Ճոզէֆ Քասքանեան եւ Արմէն Սահակեան «Ամէնէն ազդեցիկ լրագրող»ի մրցանակը յանձնեցին KTLA կայանի լրագրողներէն Էլինա Աբովեանին, դրուատելով յատկապէս Հայ Դատի վարժողական ծրագիրներուն եւ Հայ Դատի խորհրդաժողովին մատուցած անոր սպասարկութիւնները։

Մրցանակներ ստացան նաեւ Հրուշ Աճէմեան, Արաքսիա Կարապետեան, Կերի Մատաթեան, Ճիլ Սիմոնեան, տոքթ. Անտրէ Փանոսեան, Մայքըլ Արամ, Փօլ Կարմիրեան, Փեկի Սիւլահեան, Ճորճ եւ Ճեք Քէշիշեաններ, Առ-Մին, Չոման Միտիչեան, Սոնա Վան եւ տոքթ. Վիգէն Սեփիլեան։

Նորա Յովսէփեան իր խօսքը կ՛ուղղէ «Արդարութեան Ջատագով» մրցանակը ստանալէն ետք

Նորա Յովսէփեան իր խօսքը կ՛ուղղէ «Արդարութեան Ջատագով» մրցանակը
ստանալէն ետք

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top