Փասատինայի Հայ Դատի Յանձնախումբը Համայնքային Հաւաք Մը Հիւրընկալեց Քաղաքին Նոր Ոստիկանապետին Հետ

0000ANCA-Pasadena-w-Police-Chief

0000ANCA-Pasadena-w-Police-Chief

ՓԱՍԱՏԻՆԱ.- Փասատինայի Հայ Դատի յանձնախումբին նախաձեռնութեամբ, Հինգշաբթի, 23 Մայիսին տեղի ունեցաւ համայնքային հանդիպում մը քաղաքի նոր ոստիկանապետ Ճան Փերեզի հետ, Փասատինայի «Յովհաննէս Եւ Հռիփսիմէ Ճիվելէկեան» Երիտասարդական կեդրոնին մէջ։

Հաւաքը առիթ մը հանդիսացաւ ներկաներուն, որ մօտէն ծանօթանան ոստիկանապետին եւ անոր անձնակազմի անդամներուն հետ, միաժամանակ տեղեկութիւններ ստանալով անոր ապագայ ծրագիրներուն եւ նախապատուութիւններուն մասին։

Համայնքի ներկայացուցիչներուն կողքին ներկայ էին նաեւ քաղաքի հաստատութեանց եւ կազմակերպութիւններու ներկայացուցիչներ, ինչպէս նաեւ քաղաքային, գաւառային, նահանգային եւ դաշնակցային պաշտօնատարներ կամ անոնց ներկայացուցիչները։

Հաւաքին բացումը կատարեց Փասատինայի Հայ Դատի յանձնախումբի վարչութեան ատենապետ Շողիկ Եփրեմեան, բարի գալուստ մաղթելով բոլորին եւ ներկայացնելով պետական պաշտօնատարները։ Ան նաեւ շեշտեց, որ Փերեզ 34 տարիներու փորձառութիւն ունի ոստիկանութեան մէջ, շնորհակալութիւն յայտնելով անոր սպասարկութիւններուն եւ նուիրումին համար։ Ապա ան բեմ հրաւիրեց Փասատինա քաղաքի կառավարիչ Սթիւըն Մերմելը, որ նախ դրուատեց Հայ Դատի կենսական դերակատարութիւնը եւ շնորհակալութիւն յայտնեց կազմակերպիչներուն, այս հաւաքը իրականացնելնուն համար։

Իր կարգին, Մերմել բեմ հրաւիրեց ոստիկանապետ Փերեզը, որ նմանապէս բարձր գնահատեց Հայ Դատի դերակատարութիւնը, ապա ներկայացուց իր գործակիցները։ Փերեզ յայտնեց, որ քաղաքին էջ իր 34ամեայ գործունէութեան ընթացքին ականատես դարձած է հայ համայնքին բարգաւաճման եւ յոյժ կարեւոր համարեց Հայ Դատի յանձնախումբին ու անոր միջոցաւ՝ հայ համայնքին հետ ոստիկանութեան գործակցութիւնը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top