Արցախի Հետ Բարեկամութեան Հռչակագիրները Չենք Ստորագրած Ֆրանսայի Անունով. Ֆրանսայի Քաղաքապետներ

0615frenchmayors

0615frenchmayors

«Ափսոսանքով կը նշենք Կրընոպլի վարչական դատարանին կողմէ Վալանս, Պուրկ լէ Վալանս, Պուրկ տը Փէաժ քաղաքներու եւ Տրոմ նահանգի ու Արցախի Հանրապետութեան տեղական եւ տարածքային մարմիններու միջեւ ստորագրուած Բարեկամութեան հռչակագիրներու նոյն ժամանակ չեղարկումը», այս մասին կ՛ըսուի Պուրկ լէ Վալանսի քաղաքապետ Մարլէն Մուրիէի, Օվերնեը-Ռոն Ալփ շրջանի փոխնախագահ Նիքոլա Տարակոնի յայտարարութեան մէջ:

«Հակառակ անոր, որ Ֆրանսայի սահմանադրութիւնը տեղական ինքնակառավարման մարմիններուն չ՛արգիլեր միջազգային գործունէութիւն իրականացնել, ստորագրուած հռչակագիրները ընդամէնը բարեկամութեան մասին պարզ յայտարարութիւններ են, որոնք ժողովուրդներու միջեւ բարեկամութեան եւ մարմնամարզութեան, մշակոյթի ու կր-թութեան բնագաւառներու մէջ յարաբերութիւններ հաստատելու կոչ կ՛ընեն:

«Այս հռչակագիրները չեն ոտնահարեր արտաքին քաղաքականութեան ոլորտի մէջ ֆրանսական կառավարութեան լիազօրութիւնները: Երբեք մտադիր չենք եղած այս փաստաթուղթերը ստորագրել Ֆրանսայի անունով։

Յիշեցնենք, որ Ֆրանսա՝ իբրեւ Մինսկի խումբի անդամ, անկողմնակալութեան յանձնառութիւն ունի՝ իբրեւ միջնորդ Ատրպէյճանի եւ Արցախի Հանրապետութեան միջեւ եղած հակամարտութեան լուծման գործընթացին մէջ:

Խորապէս կը ցաւինք, որ մեր փաստարկները չլսուեցան եւ մեր ձեռնարկած զգուշաւորութեան բոլոր միջոցները՝ հետամուտ ըլլալու հանրապետական կարգը յարգելուն, նկատի չառնուեցան:

Մենք դժուարութեամբ կ՛ըմբռնենք նաեւ վերատեսուչներու մոլեռանդութեան հասնող դիրքորոշումը: Այս իւրայատուկ կերպով ջանքերու ներդրումը կը խօսի իրաւական գործառնութեան համակարգուած ու խորհրդակցուած բնոյթի, ինչպէս նաեւ Արցախի հանդէպ յատուկ կոշտ վերաբերմունքի մասին:

Մենք կը վերահաստատենք Արցախի ու անոր բնակիչներուն հետ բարեկամութեան մեր հաւատարմութիւնը՝ յուսալով, որ մեր անսասան համերաշխութիւնը պիտի նպաստէ խաղաղութեան եւ Ֆրանսայի՝ այսօր տկարացած հեղինակութեան ամրապնդման Կովկասի մէջ», կ՛ըսուի յայտարարութեան մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

One Comment;

  1. Vasken said:

    Ապա ինչու՞ «Eurovision Song Contest» ը Ազըրպէյճանին մէջ կընեն. ան ալ բարեկամութեան և մշակոյթի էզրին մէջ կըլլայ չէ՞…

*

Top