Հայ Իրաւաբանական Միութեան 30ամեակին Առիթով՝ Տօնակատարութիւն-Խորհրդաժողով

0000ABA 30 Karanian
0000ABA 30 Karanian

Մեթիու Քարանեան, Թատէոս Սթաուպըր, Արտակ Բեգլարեան, Տիգրան Թաւրիզեան, Արման Թաթոյեան

ԼՈՍ ԱՆՃԵԼԸՍ.- Հայ Իրաւաբանական միութիւնը կը տեղեկացնէ, թէ իր հիմնադրութեան 30ամեակին առիթով, Յունիս 28-29ին, Լոս Անճելըսի քաղաքամէջը տեղի պիտի ունենայ խորհրդաժողով մը եւ ճաշկերոյթ մը։

30ամեակի ճաշկերոյթին ընթացքին պիտի մեծարուի Միացեալ Նահանգներու դաշնակցային ատեաններուն մէջ առաւել քան 30 տարի ծառայած, իսկ այժմ հանգստեան կոչուած դատաւոր Տիգրան Թաւրիզեան, որ պիտի արժանանայ Հայ իրաւաբանական միութեան «Կեանքի Մը Իրագործումներ» մրցանակին։

Լոս Անճելըսի քաղաքամէջի «Շերըթըն Կրենտ» պանդոկին մէջ տեղի ունենալիք խորհրդաժողովը պիտի սկսի Շաբաթ, 29 Յունիսի առաւօտեան։

Խորհրդաժողովի առաջին նիստին ընթացքին պիտի քննարկուին հայութենէն բռնագրաւուած կալուածներու վերադարձը ապահովելու իրաւական կարելիութիւնները։ Քննարկումին պիտի մասնակցին իրաւաբաններ՝ Մեթիու Քարանեան եւ Թատէոս Սթաուպըր։ Նիստը պիտի համադրէ Հայ իրաւաբանական միութեան Հայոց Ցեղասպանութեան վնասուց հատուցումներու յանձնախումբի ատենապետ Արմէն Յովհաննէսեան։

Յետմիջօրէի նիստը նուիրուած է Հայաստանի եւ Արցախի մէջ մարդկային իրաւանց պաշտպանութեան հարցին եւ այդ ծիրին մէջ Հայկական Սփիւռքի հետ համագործակցելու կարելիութիւններուն։ Նիստին երկու զեկուցաբերներն են՝ Հայաստանի եւ Արցախի մարդկային իրաւունքներու պաշտպաններ Արման Թաթոյեան եւ Արտակ Բեգլարեան։

Ձեռնարկներուն մասին յաւելեալ տեղեկութեանց կամ խորհրդաժողովին արձանագրուելու համար՝ դիմել info@armenianbar.org հասցէին կամ այցելել www.armenianbar.org կայքը։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top