ՀՅԴի Ներկայացուցիչները Հանդիպեցան «Բարգաւաճ Հայաստան»ի Ղեկավարութեան Հետ

0618arf

0618arf

ԵՐԵՒԱՆ.- 17 Յունիսին, ՀՅԴ Հայաստանի Գերագոյն մարմինին նախաձեռնութեամբ, «Բարգաւաճ Հայաստան» կուսակցութեան ղեկավարութեան հետ տեղի ունեցաւ միջկուսակցական հանդիպում մը, որուն Դաշնակցութեան կողմէ մասնակցեցան ՀՅԴ Հայաստանի Գերագոյն մարմինի ներկայացուցիչ Իշխան Սաղաթելեան, ՀՅԴ Բիւրոյի անդամ Արսէն Համբարձումեան եւ ՀՅԴ մասնագիտական ոլորտային յանձնախումբերը համակարգող Արծուիկ Մինասեան։

«Բարգաւաճ Հայաստան» կուսակցութեան կողմէ հանդիպումին մասնակցեցան կուսակցութեան նախագահ Գագիկ Ծառուկեան, Հայաստանի Ազգային ժողովի նախագահի տեղակալ Վահէ Էնֆիաջեան եւ Ազգային ժողովի պատգամաւոր Գէորգ Պետրոսեան:

Քննարկուեցաւ փոխադարձաբար հետաքրքրութիւն ներկայացնող հարցերու լայն շրջանակ մը, յատկապէս անդրադարձ կատարուեցաւ ներքաղաքական եւ արտաքին քաղաքական ներկայ իրավիճակին եւ ընթացիկ զարգացումներուն:

Անոնք ծանօթացան քաղաքական հետաքրքրութիւն ներկայացնող հարցերուն վերաբերող երկու կողմերու դիրքորոշումներուն:

ՀՅԴ Հայաստանի Գերագոյն մարմինը կը շարունակէ քաղաքական խորհրդակցութիւններու շարքը՝ հանրային հետաքրքրութիւն ներկայացնող եւ երկրի հասարակական ու քաղաքական կեանքին համար կարեւոր հարցերու պարունակին մէջ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top