Արցախի Մէջ Մեկնարկեցին Հրամանատարական Զօրավարժութիւնները. 10,000 Զինուորներու Մասնակցութեամբ

Արցախի Հանրապետութեան զինուած ուժերու 2019ի պատրաստութեան ծրագրին համաձայն՝ 17 Յունիսին, Պաշտպանութեան բանակի շարք մը զօրամասերու եւ զօրատեսակներու ներգրաւումով՝ մեկնարկեցին հրամանատարաշտապային զօրավարժութիւնները:

Արցախի Հանրապետութեան պաշտպանութեան նախարարութեան մամլոյ ծառայութիւնը կը հաղորդէ, թէ համաբանակային կարեւորութիւն ունեցող զօրավարժութիւնը, որուն ընդգրկուած են շուրջ 10,000 զինուորներ, առաւել քան 200 հրետանային համակարգերեր, շուրջ 150 զրահամեքենաներ, աւելի քան 50 Հակաօդային պաշտպանութեան համակարգեր, առաւել քան 400 ինքնաշարժներ եւ այլ շարժակազմեր, պիտի շարունակուի մինչեւ 20 Յունիս:

Հրամանատարաշտապային զօրավարժութիւններուն ընթացքին, հիմնական կեդրոնացումը պիտի ըլլայ գիշերային պայմաններու մէջ զօրքերու գործնական խնդիրներու կատարման վրայ, ինչպէս նաեւ կը նախատեսուի մշակել մարտավարութեան նոր դրուագներ:

Զօրավարժութիւններուն ընթացքին պիտի փորձուին բարձր արհեստագիտութեամբ համալրուած հետախուզական եւ կառավարման համակարգեր եւ զինատեսակներու նոր նմուշներ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top