Համահայկական 7րդ Խաղերուն Նուիրուած Խորհրդակցութիւն Արցախի Մէջ

0618Khagher

 

0618Khagher

ՍՏԵՓԱՆԱԿԵՐՏ, «Արմէնփրէս».- Արցախի Հանրապետութեան պետական նախարար Գրիգորի Մարտիրոսեան 17 Յունիսին հրաւիրեց աշխատանքային խորհրդակցութեան մը՝ նուիրուած Համահայկական 7րդ ամառնային խաղերու կազմակերպչական աշխատանքներուն:

Ան շեշտեց մարզական այս մեծ ձեռնարկին կարեւորութիւնը Արցախի մարզական եւ ընկերային-տնտեսական կեանքին մէջ, ընդգծելով բարձր մակարդակով 7րդ ամառնային խաղերը հիւրընկալելու արցախցիներուն պատրաստակամութիւնը: Մարտիրոսեան դիտել տուաւ, որ կազմակերպչական աշխատանքները պէտք է կատարուին համակարգուած ձեւով, հարցերը շատ արագ լուծում գտնեն եւ փոխգործակցութիւնը ըլլայ հիմնական։

Այս մասին զեկուցում ներկայացուց աշխատանքային խումբի ղեկավար, Համահայկական խաղերու միջազգային կոմիտէի անդամ Վարդան Բալայեան: «Օգոստոսի 6ին խաղերի բացման արարողութիւնն, իսկ 7ին եւ 8ին մարզական միջոցառումների անցկացումը Արցախ է բերելու աւելի քան 4000 մարզիկ՝ շուրջ 190 երկրից: Այս օրերին աշխատանքներ են տարւում մարզիկների ու հիւրերի գիշերակացն ու ժամանցն ապահովելու համար: Առկայ հիւրատները, զբօսաշրջային տներն ու մասնաւոր հատուածի հետ բանակցութիւնները՝ կեցութեան վայրերը ժամանակակից պայմաններին համապատասխանեցնելու ուղղութեամբ, շարունակւում են», ըսաւ Վ. Բալայեան:

Շինարարական լրացուցիչ աշխատանքներուն, երթեւեկի հարցերուն, մշակութային նախաձեռնութիւններուն վերաբերող պարզաբանումներով հանդէս եկան համապատասխան գերատեսչութիւններու ղեկավարները:

Գրիգորի Մարտիրոսեան յանձնարարեց թեքնիք բոլոր հարցերուն շուտափոյթ լուծում գտնել, նաեւ ապահովութեան վերաբերող հարցերուն յատուկ ուշադրութիւն դարձնել։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top