Վանի «Շրջուն Փառատօն»ը Կ՛արգիլուի

0613van

0613van

ՊՈԼԻՍ, «Ակօս».- Ամառնային ամիսներուն, Թուրքիոյ զանազան քաղաքներու մէջ տեղի կ՛ունենան բազմաբնոյթ փառատօներ, զարկ տալով զբօսաշրջութեան:

Վերջին տարիներուն, Թուրքիոյ արեւելեան նահանգներուն մէջ այդ միջոցառումները յաճախ կ՛արգիլուին: Այսպէս, մեծ աւանդ ունեցող Մնձուրի փառատօնը տարիներէ ի վեր կ՛արգիլուի կուսակալին հրահանգով:

Այս տարի, նման արգելք մը յարուցուեցաւ 20-23 Յունիսին, Վանի մէջ կայանալիք «Շրջուն փառատօն»ին դէմ: Կեւաշի գաւառապետը ապահովական պատճառաբանութիւններով՝ արգիլեց փառատօնին կազմակերպումը:

Կազմակերպիչները դիտել կու տան, թէ բոլորովին անհիմն են այդ պատճառաբանութիւնները: Անցեալ տարի այս թուականներուն յաջողութեամբ իրականացած էր առաջին «Շրջուն փառատօն»ը:

«Այս տարի, նախորդ փորձառութենէն ոգեւորուած, պատրաստուած էինք աւելի ճոխ յայտագիրով մը փառատօնը կրկնելու, լուսարձակի տակ առնելու համար Վանի զբօսաշրջութեան արժանիքները: Սակայն Կեւաշի գաւառապետը կամայական գնահատականով մը արգելք հանդիսացաւ փառատօնի գործադրման», ըսին կազմակերպիչները:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top