Հողին Յանձնուեցաւ Իր Դատավարութեան Ընթացքին Մահացած Եգիպտոսի Նախկին Նախագահը  

0619morsi

 

0619morsi

ԳԱՀԻՐԷ, «Ա.Էֆ.Փէ.».- 18 Յունիսին, հողին յանձնուեցաւ Եգիպտոսի ժողովրդավարականօրէն ընտրուած առաջին նախագահը՝ Մուհամմատ Մուրսի, որ մէկ օր առաջ, շարունակուող իր դատավարութեան ընթացքին մօտաւորապէս հինգ վայրկեան տեւողութեամբ խօսք մը արտասանելէ ետք գիտակցութիւնը կորսնցուց, ապա մահացաւ հիւանդանոցին մէջ: Ան 67 տարեկան էր։

ՄԱԿը անկախ հետաքննութիւն պահանջեց անոր մահուան պայմաններուն շուրջ։

Յիշեցնենք, որ երկրին առաջին ոչ-զինուորական նախագահը հանդիսացած Մուրսի միայն մէկ տարի կրցած էր իշխանութեան վրայ մնալ եւ բանակին միջամտութեամբ՝ 2013ին հեռացուած էր պաշտօնէն եւ աւելի ուշ դատապարտուած օտար ուժերու հետ գործակցելու յանցանքով, որ շինծու մեղադրանք նկատուած էր անոր համակիրներուն կողմէ։

Թուրքիոյ նախագահ Էրտողան, որ զօրակից մըն է իրեն նման իսլամ արմատական հակումներ ունեցող Մուրսիին, ցաւակցագիր մը յղեց եգիպտացի ժողովուրդին՝ Մուրսին «նահատակ» կոչելով:

Նշենք, որ 2015ին մահապատիժի վճիռ արձակուած էր Մուրսիի դէմ, բայց Վճռաբեկ դատարանը չեղեալ նկատած էր վճիռը, «փաստերու բացակայութեան» պատճառով։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top