Ատրպէյճան Կորուստներ Ունի, Սակայն Չի Խօսիր Այդ Մասին

0620azerisoldier

0620azerisoldier

ԵՐԵՒԱՆ, «ՓանԱրմինիըն».- Հայաստանի պաշտպանութեան փոխնախարար Գաբրիէլ Բալայեան «Ազատութիւն» ձայնասփիւռի կայանէն յայտարարեց, թէ կը սպասուի, որ ատրպէյճանական բանակը քաջութիւն ունենայ եւ յայտարարէ իր կորուստները, որոնց մասին ցարդ չէ խօսած։

Փոխնախարարը նշեց, թէ անպատասխան ու անպատիժ չի մնար որեւէ ոտնձգութիւն, որ կը սպառնայ հայկական բանակի զինուորներու կեանքին կամ առողջութեան:

«Մենք կարողացանք վերջին օրերի ընթացքում մի քանի անգամ դա ապացուցել, պարզապէս շատ դէպքերում չենք յայտարարում պատասխան գործողութիւնների մասին եւ դրա արդիւնքների մասին, որոնք տեղի են ունեցել, բայց ես ուզում եմ հաւաստիացնել եւ պատասխանատուութեամբ յայտարարել, որ որեւէ դէպքում ոչ մի ոտնձգութիւն անպատասխան չի մնում եւ պատասխանը լինում է միանշանակ անհամարժէք, այսինքն՝ շատ աւելի ծանր կորուստներ են կրում», ըսաւ ան։

Աւելի կանուխ, Հայաստանի պաշտպանութեան նախարար Դաւիթ Տօնոյեան պարգեւատրած էր հակառակորդին կրակոցին պատճառով զոհուած զինուոր Սիփան Սերժիկի Մելքոնեանի մահուան համար հակառակորդը պատժած զինուորները։

Հայաստանի պաշտօնատարին այս յայտարարութեան հետ կապ կրնայ ունենալ Ատրպէյճանի Իմիշլի շրջանի Գարալար գիւղին մէջ 19 Յունիսին թաղումը բանակին մէջ ծառայող Էսգերզատէ Էլնուր Պահրամ օղլուին, որուն մահուան հանգամանքներուն մասին ոչ մէկ յայտարարութիւն կատարուած է։ Այս մասին կը գրէ ատրպէյճանական ընդդիմադիր «Մէյտան» լրատուական կայքը: Զինուորին հարազատներուն համաձայն՝ 7 Յունիսին, ատրպէյճանցի բանակայինը գլուխէն վիրաւորուած է, փոխադրուած է Գեանճայի հիւանդանոցը եւ այդ օրէն մահաքունի մէջ եղած է։

Ատրպէյճանի պաշտպանութեան նախարարութիւնը ոչ մէկ բան ըսած է՝ թէ մահուան պատճառը մարտակա՞ն է, թէ այլ, թէեւ անոր թաղման ներկայ եղած են Իմիշլի տեղական ինքնակառավարման մարմինները եւ պաշտպանութեան նախարարութեան ներկայացուցիչներ:

Նշենք, որ 1 Յունուար 2019էն մինչեւ օրս բաց աղբիւրներէ յայտնի դարձած է, որ Ատրպէյճանի զինուած ուժերուն եւ այլ ուժային կառոյցներուն մէջ15 կորուստ արձանագրուած է։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top