ՀՅԴ ՀԵՄ «Ահազանգ» Նախաձեռնութեան Անդամներու Նստացոյց՝ Ազգային Ժողովի Շէնքին Առջեւ

0620ahazank2

ԵՐԵՒԱՆ, «Երկիր».- Ազգային ժողովի շէնքին առջեւ, 19 Յունիսին տեղի ունեցաւ ՀՅԴ Հայաստանի Երիտասարդական Միութեան «Ահազանգ» նախաձեռնութեան նստացոյցը:

Նախաձեռնող խումբին անդամներէն Քրիստինէ Վարդանեան «Երկիր»ի հետ ունեցած զրոյցին ընթացքին նշեց, որ ունին մէկ եւ հիմնական պահանջ՝ քուէարկութեան ատեն դէմ քուէարկել Հարկային օրէնսգիրքի փոփոխութիւններու նախագիծին՝ հասկնալով անոր հետեւանքները, նաեւ այն, որ անիկա մեծամասնութեան համար մեծ հարուած է:

«Նստացոյցը շարունակելու ենք մինչեւ քուէարկութիւնը: Բոլոր փաստարկները, տեսակէտները ներկայացուել են բոլոր հնարաւոր եղանակներով, մնում է, որ պատգամաւորները, որ կողմ են քուէարկելու այս նախագծին, հասկանան այս ամէնի հետեւանքները: Նրանք ներկայացնում են ամբողջ ժողովրդին, այլ ոչ թէ միայն մէկ շերտի: Ինչ-որ մէկին չենք սպասում, հասկացանք, որ այդ փորձը ձախողուեց: Եթէ պատգամաւորներից որեւէ մէկը կը միանայ, նոյնը նրանց կ՛ասենք: Մեր բոլոր գործողութիւնները կախուած են միւս կողմի գործողութիւններից», ըսաւ Վարդանեան՝ նշելով, թէ յոյս ունին, որ պատգամաւորները խելամիտ կը գտնուին:

Վարդանեան նաեւ կոչ ուղղեց այս հարցով մտահոգներուն, կազմակերպութիւններուն, որ գործնական քայլերու դիմեն, որովհետեւ հիմա իսկական տեղը եւ ժամանակն է պայքարելու ու թոյլ չտալու, որ Հայաստան ընթանայ սխալ ուղիով: «Կոչ ենք անում գալ այստեղ ու այնպէս անել, որ օրէնքի նախագիծը օրէնքի ուժ չստանայ», շեշտեց Քրիստինէ Վարդանեան։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top