Հայաստանի Մէջ Այս Տարի 36 Անձեր Ապաստանողի Կարգավիճակ Ստացած Են

0620irinehagobyan

0620irinehagobyan

ԵՐԵՒԱՆ, «Արմէնրփէս».- Հայաստանի մէջ, այս տարի՝ մինչեւ 17 Յունիս, ապաստան խնդրած են 77 անձեր՝ Իրանէն, Քուպայէն, Սուրիայէն, Եգիպտոսէն, Թուրքիայէն, Իրաքէն, Եմէնէն, Ռուսիայէն, Հնդկաստանէն, Քէնիայէն, Ատրպէյճանէն, Յորդանանէն, Ուքրանիայէն եւ Վրաստանէն։

Փախստականներու համաշխարհային օրուան նուիրուած հանդիպումին ընթացքին այս մասին յայտնեց Հայաստանի տարածքային կառավարման եւ ենթակառուցուածքներու նախարարութեան Գաղթականներու ծառայութեան համարկման հարցերու բաժինի պետ Իրինէ Յակոբեան: Ըստ անոր՝ 17 Յունիսի դրութեամբ՝ Իրանէն ապաստան խնդրած են 29, Քուպայէն՝ 19 եւ Սուրիայէն՝ 10 անձեր։ Եգիպտոսէն, Թուրքիայէն եւ Իրաքէն՝ երեքական, միւս երկիրներէն մէկական անձեր։

Ըստ Յակոբեանի՝ նոյն ժամանակաշրջանին Հայաստանի Հանրապետութեան մէջ ապաստանեալի կարգավիճակ ստացած են 36 անձեր՝ Իրանէն, Լիբանանէն, Իրաքէն, Փաքիստանէն, Ուքրանիայէն, Եմէնէն, Աֆղանիստանէն եւ Թուրքիայէն։

Այդ անձերուն հետ աշխատանք կը տարուի, որպէսզի անոնք համարկուին, ինչպէս՝ հայոց լեզուի, քաղաքացիական կողմնորոշման դասընթացքներու կազմակերպում, ժամանակաւոր կացարանի տրամադրման օժանդակութիւն եւ համարկման գործընթացին համար անհրաժեշտ կառուցակարգերու մշակում:

«Քաղաքացիական կողմնորոշման դասընթացների ժամանակ փորձում ենք փախստականներին ներկայացնել, թէ ինչպիսի՛ երկիր է Հայաստանը՝ պատմութիւնը, մշակոյթը եւ այլն: Ինտեգրման (համակման-Խմբ.) գործընթացի ժամանակ ճանաչուած անձանց կարիքներն ենք գնահատում եւ առաջարկում մեր կողմից իրականացուող ծառայութիւնները», ըսաւ Յակոբեան:

Հայաստանի մէջ փախստական նկատուող անձեր վարձատրուող աշխատանքի իրաւունք ունին, սակայն չեն կրնար գործել պետական եւ տեղական ինքնակառավարման մարմիններուն մէջ։

«Փախստականի կարգավիճակ ստացած անձը կարող է ունենալ սեփականութիւն, բացի հողի սեփականութեան իրաւունքից: Ազգային օրէնսդրութեամբ այդ իրաւունքը տրւում է Հայաստանի քաղաքացիներին եւ Հայաստանում յատուկ կարգավիճակ ստացած օտարերկրացիներին», ընդգծեց Իրինէ Յակոբեան:

Ան աւելցուց, որ գաղղթականները իրաւունք ունին մասնակցելու տեղական ինքնակառավարման մարմիններու ընտրութիւններուն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top