«Լէօնարտօ» Ընկերութեան Հետ Տեղեկատուական Արհեստագիտութեան Ոլորտին Մէջ Գործակցութիւն

0620leonardo

0620leonardo

ԵՐԵՒԱՆ, «ՓանԱրմինիըն».- Աշխատանքային այցելութեամբ Ֆրանսա գտնուող Հայաստանի նախագահ Արմէն Սարգսեան մասնակցեցաւ Լը Պուրժէի մէջ տեղի ունեցող Փարիզի միջազգային օդանաւորդութեան նշանաւոր ցուցահանդէսին, ուր իտալական «Լէօնարտօ» ընկերութեան ղեկավարներուն հետ քննարկեց տեղեկատուական արհեստագիտութեան ոլորոտին մէջ գործակցութեան կարելիութիւնները։

«Լէօնարտօ» ընկերութեան ղեկավարները Հայաստանի նախագահին ներկայացուցին ցուցադրուած իրենց արտադրութեանց տեսակներն ու նորագոյն արհեստագիտութիւնները, անոնց ընձեռած կարելիութիւնները եւ ոլորտի նորարարութիւնները:

Նախագահ Սարգսեան այնուհետեւ առանձնազրոյց ունեցաւ «Լէօնարտօ»ի գլխաւոր գործադիր տնօրէն Ալեսանտրօ Փրոֆումոյի հետ: Հանդիպման ընթացքին յատկապէս քննարկուեցան տեղեկատուական արհեստագիտութեան, կրթութեան եւ արհեստական բանականութեան ոլորտներուն մէջ Հայաստանի հետ համագործակցութեան կարելիութիւնները։

Նախագահ Սարգսեան ընկերութեան ղեկավարութեան առաջարկեց այցելել Հայաստան եւ տեղւոյն վրայ ուսումնասիրել ու քննարկել համագործակցութեան հեռանկարային ուղղութիւնները։

Նշենք, որ պաշտպանութեան եւ անվտանգութեան ոլորտներու սարքաւորումներու արտադրութեան եւ տիեզերական արդիւնաբերութեան մեջ մասնագիտացած «Լէօնարտօ» ընկերութիւնը իր արտադրութեան մէջ մեծ ուշադրութիւն կը դարձնէ բարձր արհեստագիտութեան, ինչպէս նաեւ տեղեկատուական արհեստագիտութեան զարգացման։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top