Սուրիական Հողեր Բռնագրաւած Թուրքիան Կը Պաշտպանէ Ահաբեկչական Խմբաւորումներ. Մուալլեմ

0620Mouallem

0620Mouallem

 

ՊԷՅԺԻՆԿ, «Ռոյթըրզ».- Չինաստան այցելող Սուրիոյ արտաքին գործոց նախարար Ուալիտ Մուալլեմ իր պաշտօնակից Ուանկ Եիի հետ միացեալ մամլոյ ասուլիսին ընթացքին յայտնեց. «Սուրիական եւ թրքական ուժերուն միջեւ ճակատումի մը չենք ձգտիր, սակայն Իտլիպի մէջ ահաբեկչութեան դէմ կը կռուինք: Թուրքիա բռնագրաւած է սուրիական հողեր եւ կը պաշտպանէ «Ճապհաթ Նուսրա»ն եւ ահաբեկչական այլ խմբաւորումներ»:

Ան նաեւ յայտնեց, որ միջազգային ընտանիքը պէտք է դէմ կանգնի Միացեալ Նահանգներու կողմէ «Սուրիոյ, Չինաստանի, Իրանի, Վենեզուելայի եւ այլ երկիրներու դէմ կիրարկուող տնտեսական ահաբեկչութեան»՝ աւելցնելով. «Վերաշինութեան ընթացքին առաջնահերթութիւն պիտի տրուի անոնց, որոնք ահաբեկչութեան դէմ պատերազմին մէջ կանգնեցան Սուրիոյ կողքին»:

Չինաստանի արտաքին գործոց նախարարը յայտնեց, թէ բոլոր երկիրները պէտք է իրենց ուժերը կեդրոնացնեն ահաբեկչութեան դէմ պայքարին վրայ: Ան շեշտեց, որ պէտք է յարգել Իրանի հետ կնքուած հիւլէական համաձայնագիրին պայմանները եւ պահպանել Միջին Արեւելքի մէջ խաղաղութիւնը եւ կայունութիւնը, ինքնազսպումի կոչ ուղղելով բոլոր կողմերուն։ «Կը մերժենք Միացեալ Նահանգներու կողմէ կիրարկուող միակողմանի քայլերը», շեշտեց ան:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top