Սփիւռքահայերու Խորհրդատուութեան Գրասենեակը Պիտի Հետապնդէ Հայաստան Հաստատուած Սփիւռքահայերուն Հարցերը

0622Hayrenatartz2

0622Hayrenatartz2

ԵՐԵՒԱՆ, «Երկիր».- ՀՅԴ Հայաստանի Գերագոյն մարմինին նախաձեռնութեամբ կեանքի կոչուած է Հայաստանի մէջ հաստատուած սփիւռքահայերու խորհրդատուութեան գրասենեակը, որ 20 Յունիսին նախաձեռնած էր առաջին հանդիպումին՝ իրանահայերու հետ, որպէսզի տեղեկանայ անոնց հարցերուն եւ մտահոգութիւններուն մասին:

Յանձնախումբի անդամ Սիմոն Գաֆալեան «Երկիր»ի հետ ունեցած զրոյցին ընթացքին ըսաւ, որ յանձնախումբին կարեւոր առաքելութիւնը Հայաստան հաստատուած սփիւռքահայերուն հետ կապ հաստատելը եւ անոնց անհրաժեշտ տեղեկատուութիւն տրամադրելն է։ Ան նշեց, որ անիկա կրնայ ըլլալ ընկերային ցանցերու, յատկապէս Դիմատետրի միջոցով, ինչպէս նաեւ ՀՅԴ «Սիմոն Վրացեան» կեդրոնին մէջ գործող գրասենեակին միջոցով:

«Հիմնական նպատակն այն է, որ հնարաւորինս շատ թուով սփիւռքահայեր հաստատուեն Հայաստանում, որովհետեւ հէնց այդպէս կը զարգանայ ու կը հզօրանայ մեր երկիրը», դիտել տուաւ Գաֆալեան՝ աւելցնելով, որ այդ առաջին հանդիպման ընթացքին ներկայացուցած են յանձնախումբին հիմնական կատարելիքները եւ գործառոյթները։

Ան դիտել տուաւ, որ ո՛չ միայն իրենք հարցեր պիտի բարձրացնեն եւ տեղեկութիւններ տրամադրեն, այլ Հայաստան հաստատուած սփիւռքահայերէն եւս կ՛ակնկալեն նախաձեռնող ըլլալ, ներկայացնել իրենց դիմագրաւած հարցերը, որպէսզի կարելի ըլլայ անոնց լուծում գտնելու աշխատանքի նախաձեռնել։

Ըստ Ս. Գաֆալեանի՝ յանձնախումբը ո՛չ միայն Դաշնակցութեան համակիր սփիւռքահայերուն պիտի օժանդակէ, այլ Սփիւռքի բոլոր ներկայացուցիչներուն:

Յանձնախումբի անդամներէն Վիգէն Հաբոյեան «Երկիր»ին ըսաւ, որ մարդոց օժանդակելու, անոնց հասկնալու համար նախ պէտք է յստակացնել, թէ անոնք ի՛նչ խնդիրներ եւ պահանջներ ունին:

«Առաջնային են լեզուի՝ արեւմտահայերէնի ու արեւելահայերէնի խնդիրը, քաղաքացիութիւն ստանալու հարցերը: Փորձում ենք նաեւ աշխատանքի հարցերով զբաղուել: Կարող ենք ասել՝ հաւաքագրում ենք Հայաստանում հաստատուած սփիւռքահայերի խնդիրները՝ վարորդական իրաւունքից մինչեւ բնակարան ձեռք բերելու հարցերը, ու փորձում լուծումներ գտնել դրանց համար», ըսաւ ան։

Հաբոյեան վստահ է, որ երբ գրասենեակին աշխատանքներուն մասին տեղեկատուութիւնը տարածուի Սփիւռքի մէջ, շատեր պիտի մտածեն հայրենիքի մէջ հաստատուելու մասին:

«Յանձախումբը կամրջի դեր է կատարում, որպէսզի յետագայում հայրենադարձութեան ալիք բարձրանայ: Օրինակ՝ երբ սիրիահայերը եկան, մենք անպատրաստ էինք, ու եթէ այս յանձնախումբն այն ժամանակ կեանքի կոչուած լինէր, վստահաբար, աւելի ճիշդ կարող էինք ուղղորդել նրանց: Յանձնախմբի կայքէջն ու ֆէյսբուքեան էջը հնարաւորութիւն են ընձեռելու նաեւ դեռեւս Հայաստանում չհաստատուած, բայց ցանկութիւն ունեցող սփիւռքահային ստանալու իրեն յուզող հարցերի պատասխանները: Նրանց առցանց խորհրդատուութիւն կը տրամադրուի», նշեց Վիգէն Հաբոյեան:

Իրանահայերու հետ յանձնախումբին նախաձեռնած հանդիպման ներկայ եղաւ նաեւ Հայաստան բնակութիւն հաստատած իրանահայերու աջակցութեան յանձնախումբի անդամ Այիտա Յովհաննիսեան: Մասնագիտութեան բերումով (իրաւաբան) յաճախ անոր կը դիմեն՝ խորհուրդ ստանալու։ «Իրանահայերի համար առաջնային հարցերից է բանկային հաշուեհամարներ բացելը, բանկային փոխանցումներ անելը: Ճիշդ է, այժմ դրամային հաշուեհամարներ բացելու հետ կապուած խնդիրները, կարծես թէ, լուծուել են, բայց այլ արտարժոյթների մասով դեռեւս խոչընդոտներ կան: Խնդիրներ կան նաեւ երեխաների կրթութեան հարցում: Եթէ նոր ես հաստատուել Հայաստանում, երեխային անմիջապէս դպրոց ուղարկելը խնդիր է: Չգիտես՝ ինչու, ձգձգւում է, խնդիրներ են առաջանում, անգամ մանկապարտէզում չես կարող գրանցել երեխային: Մարդիկ էլ ստիպուած երեխային ուղարկում են մասնաւոր մանկապարտէզ, ամսական վճարում կատարում, այն պարագայում, երբ դեռեւս աշխատանք չունեն: Կարեւոր է նաեւ աշխատանքի խնդիրը, որն առնչւում է բոլորին: Խնդիրներ կան հարկային ու մաքսային հարցերում, գրանցման առնչութեամբ խնդիրներ են առաջ գալիս եւ այլն: Եւ եթէ այս խնդիրներից որոշների համար հնարաւոր լինի ընդհանուր լուծում գտնել, այն կարող է օգտակար լինել սփիւռքահայ ցանկացած համայնքի համար», բացատրեց Յովհաննիսեան:

Պատասխանելով «Երկիր»ի այն հարցումին, որ այս հարցերը կրնա՞յ ըլլալ Սփիւռքի՝ այլեւս գոյութիւն չունեցող նախարարութեան թերի աշխատանքին հետեւանքն են՝ Այիտա Յովհաննիսեան արձագանգեց, որ նախարարութեան հայեցակարգին եւ աշխատանքային ծրագիրին մէջ ներկայացուած այս բոլոր հարցերը ամենայն մանրամասնութեամբ ներառուած չէին: «Ես չեմ ասում՝ թերացում, որովհետեւ չի եղել հայեցակարգ, որ թերացում էլ լինի», նշեց ան։

Աւելցնենք, որ ՀՅԴ Հայաստանի Գերագոյն մարմինի նախաձեռնութեամբ կեանքի կոչուած Սփիւռքահայերու խորհրդատուութեան գրասենեակը յետագային նման ձեւաչափով հանդիպումներու պիտի նախաձեռնէ լիբանանահայերու, սուրիահայերու եւ այլ գաղութներու ներկայացուցիչներու հետ:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top