Հայաստանի Եւ Իտալիոյ Միջեւ Բարեկամութեան Եւ Գործակցութեան Ամրապնդման Հեռանկարներ

0622President

0622President

ԵՐԵՒԱՆ, «Արմէնփրէս».¬ Ֆրանսա գտնուող Հայաստանի Հանրապետութեան նախագահ Արմէն Սարգսեան Լը Պուրժէի մէջ տեղի ունեցող Փարիզի Միջազգային օդանաւորդութեան ցուցահանդէսի ծիրին մէջ այցելեց իտալական հանրայայտ «Elettronica Group» ընկերութեան տաղաւարը, ուր զրուցեց ընկերութեան գլխաւոր գործադիր տնօրէն Էնզօ Պենինիի հետ: Ընկերութիւնը ծառայութիւններ կը մատուցէ պաշտպանութեան, անվտանգութեան ու կայքերու անվտանգութեան ոլորտներուն մէջ եւ կը նկատուի աշխարհի առաջատարներէն մէկը:

Էնզօ Պենինի շնորհակալութիւն յայտնեց այցելութեան համար եւ ըսաւ, որ Իտալիոյ եւ Հայաստանի միջեւ բարեկամութիւնը շատ ամուր է, եւ իրենք կ՛ուզեն զայն առաւել սերտացնել՝ յաւելեալ համագործակցութեամբ։

Նախագահ Սարգսեան շնորհակալութիւն յայտնեց համագործակցութեան պատրաստակամութեան համար՝ նշելով, որ Հայաստան հետաքրքրուած է առաջատար «Elettronica Group»ի հետ կայքերու անվտանգութեան, արհեստական բանականութեան, ինչպէս նաեւ ռազմարդիւնաբերութեան ոլորտներուն մէջ փոխգործակցութեամբ՝ ընդգծելով, որ նշեալ ոլորտներուն մէջ Հայաստան զարգացման մեծ ներուժ ունի: Հանդիպման ընթացքին խօսուեցաւ նաեւ ընկերութեան նորարարական լուծումներուն եւ այդ ոլորտին մէջ եւս համագործակցութեան կարելիութիւններուն մասին:

Պայմանաւորուածութիւն ձեռք բերուեցաւ, որ յառաջիկայ ամիսներուն ընկերութեան պատուիրակութիւնը այցելէ Հայաստան՝ տեղւոյն վրայ համագործակցութեան ներուժին ծանօթանալու եւ հնարաւոր գործընկերներուն հանդիպելու համար:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top