Հրանդ Տինքի Զաւակը՝ Արատ Տինք Կրնայ Մինչեւ 5 Տարուան Բանտարկութեան Դատապարտուիլ

0622Arad Dink

 

0622Arad Dink

ԵՐԵՒԱՆ, «Էրմենիհապեր».- Պոլսոյ «Ակօս» թերթի հիմնադիր Հրանդ Տինքի որդիին՝ Արատ Տինքի դէմ մեղադրանք առաջադրուած է: Ան կը հետապնդուի, պարզապէս որովհետեւ ստորագրած է խաղաղութեան կոչ կատարող հռչակագիրներու տակ, որոնք հրապարակուած էին Թուրքիոյ իշխանութիւններուն կողմէ հետապնդուող խումբ մը այլախոհ մտաւորականներու կողմէ:

Ըստ ամբաստանութեան՝ յայտարարութեան հեղինակները իրենց այդ քայլով քարոզչութիւն կը կատարեն Քիւրտիստանի բանուորական կուսակցութեան համար, որ Թուրքիոյ մէջ կը համարուի ահաբեկչական կազմակերպութիւն: Արատ Տինքին կը սպառնայ 1-5 տարուան բանտարկութիւն:

Պոլսոյ ծանր յանցագործութիւններու 36րդ ատեանին մէջ տեղի ունեցած դատական առաջին նիստին ընթացքին, պաշտպանները պահանջեցին արդարացնող վճիռ տալ, նաեւ դատարանին ինքնաբացարկի միջնորդութիւն ներկայացուցին՝ նշելով, որ դատաւորները կողմնակալ են: Դատարանը մերժեց միջնորդութիւնները:

Նշենք, որ Պոլսոյ հանրապետական դատախազութիւնը կը մեղադրէ 1128 անձեր, որոնց մէջ է նաեւ՝ Արատ Տինք՝ 11 Յունուար 2016ին հրապարակուած «Ակադեմիկաններ՝ յանուն խաղաղութեան» ինչպէս նաեւ «Մենք այս մեղքին յանցակից չենք ըլլար» անունով յայտնի հռչակագիրներուն տակ ստորագրելուն համար:

Դատական նիստը յետաձգուեցաւ 9 Հոկտեմբերին:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top