Հայաստանի Մէջ Դատաիրաւական Բարեփոխումներուն Վերաբերող Քննարկում

0625Tadagan

0625Tadagan

ԵՐԵՒԱՆ, «Երկիր».- Հայաստանի արդարադատութեան նախարար Ռուստամ Բադասեան 24 Յունիսին ընդունած է Հայաստանի մէջ Եւրոպայի խորհուրդի գրասենեակի ղեկավար Նաթալիա Վուտովա: Այս մասին յայտնեցին նախարարութեան տեղեկատուութեան եւ հասարակութեան հետ կապերու վարչութենէն:

Նախարարը, կարեւոր նկատելով Եւրոպայի խորհուրդին հետ համագործակցութիւնը՝ նշեց, որ Հայաստան ներկայիս դատաիրաւական լուրջ բարեփոխումներու ճամբուն վրայ է, եւ այդ ընթացքին անհրաժեշտ պիտի ըլլան Եւրոպայի խորհուրդի գործընկերներուն լաւագոյն փորձառութիւնը եւ փորձագիտական խորհրդատուութիւնը: Ռուստամ Բադասեան ընդգծեց, որ կայ քաղաքական կամք եւ տրամադրուածութիւն այդ բարեփոխումները միջազգային բոլոր չափանիշերուն համապատասխան իրականացնելու: Նախարարը սերտ համագործակցութեան պատրաստակամութիւն յայտնեց եւ բարձր գնահատեց Եւրոպայի խորհուրդի տարած ջանքերը՝ Հայաստանի մէջ ժողովրդավարութեան հաստատման եւ զարգացման ուղղութեամբ:

Վուտովա դիտել տուաւ, որ արդարադատութեան նախարարութիւնը իրենց կարեւորագոյն գործընկերներէն մէկն է: Ըստ անոր՝ երեւանեան գրասենեակին կողմէ ներկայիս իրականացուող շուրջ 7 ծրագիրներուն մէջ արդարադատութեան նախարարութիւնը կա՛մ  հիմնական գործընկեր է, կամ կարեւորագոյն դերակատարներէն մէկը:

Հանդիպման ընթացքին արդարադատութեան նախարարը անդրադարձաւ դատաիրաւական բարեփոխումներուն եւ փտածութեան դէմ պայքարի ռազմավարութիւններու նախագիծերու կենսագործման՝ դիտել տալով, որ այս առումով կայ Եւրոպական խորհուրդին աջակցութիւնը:

Հայաստանի մէջ Եւրոպայի խորհուրդի գրասենեակի ղեկավարը ընդգծեց, որ իրենք պատրաստ են աջակցելու Հայաստանի մէջ դատաիրաւական բարեփոխումներուն եւ այս համակարգին մէջ տարուող աշխատանքներուն։

Հանդիպման աւարտին ձեռք բերուեցաւ համագործակցութիւնը խորացնելու պատրաստակամութիւն։

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top