Համահայկական Խաղերու Երրորդ Ջահը Վառեցաւ Տիգրանակերտի Մէջ

0625chah

0625chah

ԵՐԵՒԱՆ, «Արմէնփրէս».- Համահայկական ամառնային 7րդ խաղերու երրորդ ջահը վառեցաւ Արցախի Տիգրանակերտի մէջ:

Համահայկական խաղերու համաշխարհային կոմիտէի նախագահ Իշխան Զաքարեանի հետ հանդիսաւոր արարողութեան ներկայ էին Արցախի նախագահ Բակօ Սահակեան, Արցախի թեմի առաջնորդ Պարգեւ արք. Մարտիրոսեան եւ այլ բարձրաստիճան հիւրեր:

«Նման միջոցառում Արցախում անցկացնելը շատ մեծ նշանակութիւն ունի: Մենք ոգեկոչում ենք անցեալի փառքն ու նշում ներկայի ձեռքբերումները, արցախեան յաղթանակները: Սերունդների համար կարեւոր ձեռքբերում է սա», ըսաւ Պարգեւ արք. Մարտիրոսեան:

0625chah1

Համահայկական 7րդ ամառնային խաղերու երրորդ ջահը վառեց 2016ի Ապրիլեան պատերազմին մասնակցած, «Մարտական խաչ»ի ասպետ, պաշտպանութեան բանակի աւագ գնդապետ Արթուր Աղասեան: «Հպարտութեան եւ պատասխանատուութեան շատ բարձր զգացումով եմ առաջնորդուել: Այս ամէնը պարտաւորեցնող է, կարեւոր խորհուրդ ունի իր մէջ», ըսաւ Աղասեան:

Նշենք, որ Հայաստանի Հանրապետութիւնը, Արցախը եւ Սփիւռքը խորհրդանշող ջահերէն առաջինը վառեցաւ Մուսա լերան ստորոտին, երկրորդը՝ Խոր Վիրապի մէջ, երրորդը՝ Արցախի Տիգրանակերտի մէջ:

6 Օգոստոսին՝ խաղերու բացման օրը, Ստեփանակերտի մէջ երեք ջահերով պիտի վառի գլխաւոր ջահը: Համահայկական խաղերը տեղի պիտի ունենան 5-17 Օգոստոսի, Արցախի եւ Հայաստանի մէջ, «Միասնութիւն՝ սպորտով» կարգախօսով:

Authors

Discussion Policy

Comments are welcomed and encouraged. Though you are fully responsible for the content you post, comments that include profanity, personal attacks or other inappropriate material will not be permitted. Asbarez reserves the right to block users who violate any of our posting standards and policies.

*

Top